Wikipedia:Ammanne: Unterschid zwische dr Versione

Ammanne sin Bnutzer mit sysop-Rächt. Sie dürfe vor allem:

• gschützti Syte bearbeite
• Syte vollständig lösche
• IP-Adresse un Benutzernäme sperre

E Ammann het kei Sonderstellig innerhalb vo dr Wikipedia-Gmei. In Diskussione un Umfroge zällt sini Stimm glich viel wie die vo alle andere.

Hilfe, i bruch en Ammann!

Verzäll di Problem uf dr Hilfe-Syte! In dringendi Fäll wendsch dich direkt an eine vo de Ammanne für d' alemannischi Wikipedia (sysops)!

Wie wird me Ammann ?

Als erschtens tragsch dich bitte in d Mailinglischt i.

Zuer Ziit gilt folgendi Regel: Jede cha Ammann werde, wo sit einiger Ziit Artikel schribt un wo d andere Benutzer vertraue.

Wenn du Ammann vo dr alemannische Wikipedia werde wottsch denno trag dich in die Liste «Ammanne-Rächt beatrage» i. Du chasch au anderi Benutzer vorschlage.

Wie ändet d Ammanneschaft?

Wär nimmi Ammann sii will oder ka, ka sich vum e Bürokrat striche lo.
Wär e Johr lang kenni Bearbeitige meh macht, wird automatisch gstriche.
Ehmoligi Ammanne kenne wider neij kandidiäre.

Ufgobe vo me Ammann

Für die meiste vo dene Ufgobe brucht me keini Ammanne-Rächt:

• Artikel beobachte
• neui un anonymi Benutzer beobachte
• neui Benutzer hälfe
• Urheberrächts-Verletzige finde
• uff «Sackgasse-Syte» Begriff zu anderi Artikel verlinke
• Kategorie-Syte alege un pfläge.
• Verwaisti un z'churzi Artikel prüefe un notfalls lösche
• D'Houptsyte ufem neuschte Stand halte.
• Syte wo nit bearbeitet wärde solle schütze (z.B. Wyterleitige)

Hilfe fir Ammanne

• Fir d Ammanne zum ga nocheluege git's Wikipedia:Hilfe fir Ammanne

Weblinks

• Administrator-Syte uff dr dytschsprachige Wikipedia
• meta-wiki: Administration (Englisch)
• Administrators’ reading list (Englisch)

Rolle vo me Bürokrat

Bürokrate hond neabe de normale Sysop-Funktione zuesätzlich die Möglichkeit, andere Benutzer en Administratore- oder Bürokratezuegang z`geabe.

Die folgende 8 Benutzer hond an Sysop-Zuegang, 2 Benutzer drvo ou an Bureaucrat-Zuegang:

Änderunge vo de Recht lassed sich im Rechtelogbuech und z.T. uf Meta verfolge (freijer im Bürokratelogbuech).

Beschwärde über Ammanne

Södsch du s'Fehlverhalte vo me Ammann festgschtellt ha, verzäll uns dini Beobachtige an däre Stell! Bitte dyn Bnutzernamme dezueschriibe.

aktuelli Problem

abgschlosseni Problem

• Beschwärde vom Taxiarchos228 gege dr Umschattig - Beschwärde isch als ungültig abgleent worde und dr Beschwärdefierer für immer gsperrt worde

Bitte alli Iträg mit Datum versäh! Wenn de mit enere Kandidatur nit einverstanden bisch, schrieb dini Iwänd zuem jewilige Name däzue.

Tipp: Ihr chönnet de eigene Name mit drü Tilde (~~~) automatisch yfüege. Mit vier Tilde (~~~~) git's zuesätzlech Datum und Uhrzyt.

Abgschlossene Bewerbunga werred ins Archiv verschobe: Archiv 2004, Archiv 2005, Archiv 2006, Archiv 2007

Brian

--Brian 10:42, 10. Okt. 2008 (CEST) Also, jetzt wag ichs doch emol Ammannrächt z beaatrage. Do ich (wägem Global Account) mit zwai Näme hir unterwägs bin han i mäh Edits als me deicht: 268+171.

drfür:

1.  Pro De Brian(67) isch e züeverlässige und flißige Mitarbeiter und ich nimm a, er wird e güete Admin (wenn ich nit de einzig bi, wo sini Kandidatur gseh hät;-). --Strommops ^Diskussion 23:09, 11. Okt. 2008 (CEST)

drgege:

Diskussion

Brian, dis Inträssi freut mi. Demit ich öpperem mini Stimm ka gee sett ich die Person aber es bizz kenne (virtuell längt). Bi dir ka-n-ich mr ke Bild vo dir mache: Du schiins en flissige Schaffer zsy, aber ich ha di eigentli no fasch nie in ammann-typische Bereiche (Löschkandidate, Diskussione uff em Stammtisch etc.) atroffe. Wurum? Und wie stoosch du zu de derzytige Projäktrichtlinie? Und wo möchtisch du dini Ammanne-Rächt bsunders ysetze? Sälli Frooge selle überhaupt nid als Misstraue gwärtet wärde, aber ich ka di eifach noni ischetze, exgüsi --Dr Umschattig red mit mir 14:20, 12. Okt. 2008 (CEST)

Hoi Umschattiger, ich empfind dini Frage nöd als Misstraue. Ich versuech si so guet es geit z beantworte. Nochfroge isch bi mir immer erlaubt ;-) un villicht duen i noch öppis »nacheschiebe«.

Also: Uf de Stammtischsiite bin ich würklich ehnder öpper der mitlist un weniger diskutirt. Au s mitläse chunt vilicht mängisch z kurz. Ich schaff (bisher) i vilne Projekt mit (als, commons, de, rm, un ab un zue au no in andere). Ich ha aber gmerkt, dass ich mich so zimlich verzettle un wot mich v.a. uf d alemanisch Wikipedia konzentrire, deshalb au de Aatrag Ammann zwerde. Dann dät ich mich selbschtverständlich a de entsprechende Diskussionen beteilige.

Wenn du s „bsunders ysetze“ uf Themeberiich beziesch, dät ich säge v.a um Ordning z halte bi Gschicht, Geographi, Politik un Religion (v.a. Chrischtetum). Ich wot aber au keim andre Amman „ins Ghäg“ cho, des heisst ich dät au i dene Beriich luege, wo mir des unternand däte abspräche un us andere d Finger dusse la – wenn öpper andersch defür verantworlich isch.

Bi de Projäktrichtlinie han ich bisher no keini gfunde, di mir gäge de Strich geiht und mini Löschpraxis isch an sich ehnder liberal. Normalerwiis bi ich für’s verbässere vo Artikel, wo sichs Lösche laat laa vermiide. Aber des ligt vor allem a mine Erfahrige i de dütsche Wikipedia, wo für manchi Lüt Loschaaträg offensichtlich en Art „Volkssport“ sin. Hier gsehn ichs e chli andersch. E Wikipedia numme oder vor allem mit Sumpe (chas z.B. d Gemeindsartikel i de romanische Wikipedia aaluege un bi Volapük isch es no schlimnmer) cha nöd de Sinn vo de Sachs ii. Do dät ich nöd lange warte mim Lösche un win ich des bis jtzt hir gsäh ha, si mir ois da einig.