Jörg Haider
De Jörg Haider (* 26. Januar 1950 z Bad Goisern, Oberöschtriich; † 11. Oktober 2008 z Köttmannsdorf, Kärnte) isch en öschtriichscher Politiker gsi. Vo 1999 bis zu sim Tod isch er Landeshauptmann von Kärnte gsi.[1]
Läbe
D Volksschuel het de Haider z Bad Ischl bsuecht un danach d Mittelschuel 1968 mit de Matur abgschlosse. Vo 1969 bis 1973 het er z Wien a de Universität Jus un Stattswüsseschfte studiirt. Bis 1976 het er zerscht als wüssenschaftliche Mitarbeiter, denn als Assischtent a de gliiche Uni gschaffet. Scho früe het er sich politisch engagiirt. un isch 1979 s erscht mol i de öschtriichisch Nationalrot gwählt worde, wo er de jüngscht Abgordnete gsi isch. Vo 1983 bis 1986 isch er i de Kärntner Landesregirig gsi, dann wider bis 1989 im Nationalrot. Im Johr 1989 isch de Jörg Haider dann zum erschte mol Landeshauptmann vo Kärnte worde. Des isch er bis 1991 blibe. Vo 1992 bis 1999 ich er dann wider im Nationalrot gsi, bis er 1999 wider s Amt vom Landeshauptmann übernoh het. Des Amt het er bis zu sim Tod usgüebt. Parteipolitisch het de Jörg Haider zerscht de FPÖ aaghört, wo en innerparteilecher Striit zu sim Ustritt un de Bründig vo de BZÖ gführt het.
De Haider isch ghürete gsi un het 2 Chind gha.
Kritik
Politisch isch de Haider sehr umstritte gsi. Sin Populismus het er nie verheimlichet. Au sini mängisch rasiistische un antisemitische Sprüch hei en zu ere sehr umstrittene Persönlechkeit gmacht.
Webgleicher
Prtrait vom Jörg Haider uf de Website vo de Kärntner Landesregirig
- ↑ Die Kärntner Landesregierung im Internet