Eveline Widmer-Schlumpf

Eveline Widmer-Schlumpf (* 16. März 1956 z Felsbärg bi Chur) isch e Schwiizer Politikerin vo de Bürgerlich-Demokratische Partei. Sit em 1. Januar 2008, damals no als Mitglied vo de SVP, isch si Mitglied vom Bundesrat.

Eveline Widmer-Schlumpf isch d Tochter vom Altbundesrat Leon Schlumpf. Sie isch z Felsbärg ufgwachse und wohnt au hüt dert.

Vo 1994 bis 1998 isch sie z Graubünde im Grosse Rat gsi. Als erschti Frau isch sie am 15. März 1998 zur Regierigsrätin z Graubünde gwählt worde. D Eveline Widmer-Schlumpf isch ghürate und het drü Chind.

Bi de Bundesratswahle 2007 isch sie im zweite Wahlgang mit 125 Stimme ni erem absolute Mehr vo 122 Stimme zur Bundesrätin gwählt worde. De unterlegene Christoph Blocher het 115 Stimme übercho.^[1]