Carnuz

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Carnota rendreza en ista pachina; ta atroz usos, se veiga Carnota (desambigación).

O carnuz^[1] ye o cuerpo muerto d'un animal. O carnuz fa d'alimento ta muitos animals carnivoros y omnivoros de toda mena d'ecosistemas. Estos animals se dicen carnucers.

Entre os eixemplos d'animals carnucers se i troba as hienas, es vueitres, es fardachos, y muitas atras especies. Muitos animals carnivoros se tornan carnucers cuan en tienen ocasión, perque ye prou mes fácil aprofeitar as trazas d'atras bestias que no encalzar-ne de vivas.

A descomposición d'o carnuz s'enceta malas que l'animal amorta, y dende alavez, o suyo grau de putrefacción creixe progresivament, estando un foco d'atracción ta muitos insectos y fuent d'alimento ta muitas especies de microorganismos. Pocas horas dimpués d'a muerte, o cuerpo de l'animal prencipia a fer una fuerte olor que ye consecuencia de l'actividat bacteriana a l'interior. Bellas especies de plantas y fongos imitan a pudor d'o carnuz ta fer-sen atractivas ta es insectos, y asinas los aproveitan ta la suya propia reproducción.

O carnuz ye tamién, por a cuantidat de bacterias que tiene, una fuent important d'infeccions y posibles achents etiolochicos de malotías. Per ixa razón, se recomienda manullar-lo con ficacio y fer-lo tan luent como siga posible d'es lugars habitatos. Cal notar que carnuz ye una parola despectiba, y significa etimolochicament y literal mala carne. Tamién s'emplega como apelatibo despectivo u insulto ta personas.

• Animal carnucero.