Felice della Rovere

Felice della Rovere, anavezet ivez evel Madonna Felice (1483 - Roma, 27 a viz Gwengolo 1536), a oa merc'h bastard da Giuliano della Rovere, anavezet ivez evel ar pab Jul II (1503-1513) ha d'e bried-kleiz Lucrezia Normanni. Unan eus ar galloudusañ ha pinvidikañ Italianezed en Azginivelezh e oa.

Dimezet e oa he mamm da Bernardino de Cupis, ur mevel-bras en tiegezh della Rovere. krediñ a reer e voe dimezet da 14 vloaz, hag e vanas intañvez. Implij a reas galloud he zad evit kadarnaat he galloud-hi e Roma, ober un dimeziñ a bouez gant Gian Giordano Orsini, ha kemer perzh er politikerezh e lez ar pab. Ganti e voe kaset en-dro an divizoù evit ober ar peoc'h etre Bro-C'hall hag he zad Jul II. Goude e varv he doe levezon c'hoazh e gouarnamant an Iliz dindan ar bibien Medici, Leon X ha Klemez VII.

Ul lezvreur he doa, Giovanni Domenico de Cupis, mab Lucrezia Normanni ha Bernardino Cupis, a voe graet kardinal gant ar pab Leon X.

Felice ha Gian Giordano o doe pemp a vugale:

• Giulia (1507 – 1537), a zimezas da Pietro Antonio Sanseverino, IVvet priñs Bisignano, ha div verc'h o doe, Eleonora ha Felicia.
• Giulio (1508 - 1508), marvet en-bugel.
• Francesco (1512 – post 1554), eskob Tricarico (1539 – 1554)
• Girolamo (1513 – 1545), Vvet aotrou Bracciano, dimezet div wech:
  • da Francesca Sforza di Santa Fiora, merc'h da Bosio II Sforza, XIvet kont Santa Fiora,
  • da Costanza Farnese , merc'h d'ar pab Paol III, ha daou vugel o doe:
    • Felicia (1535 – 1596), a zimezas da Marcantonio II Colonna, Iañ priñs Paliano, ha seizh bugel o doe;
    • Paolo Giordano Iañ Orsini, Iañ dug Bracciano, dimezet div wech
      • da Isabella de' Medici, ha tri bugel o doe, div verc'h hag ur mab:
        • Francesca Eleonora hag Isabella, ha Virginio;
      • da Vittoria Accoramboni, ha bugel ebet n'o doe.
• Clarice (1514 – a-raok 1562),
  • dimezet da Luigi Carafa della Stadera, IIvet priñs Stigliano, hag ur mab o doe
    • Antonio, IIIde priñs war-lerc'h e dad;

• Murphy, Caroline P. 2005. The Pope's Daughter: The Extraordinary Life of Felice Della Rovere. Oxford University Press. ISBN 0-19-518268-5.
• Williams, George L. 2004. Papal Genealogy: The Families and Descendants of the Popes. McFarland. ISBN 0-7864-2071-5.

• Lucrezia Borgia