Orno
Ornoak bizkar hezurra osatzen duten hezur irregularrak dira. Giza gorputzean guztira 33 daude, sakroa eratzeko fusionatu diren bostak (besteak ornoarteko diskoen bidez banatuta daude) eta uzkornoa eratzen duten lau orno kokzigeoak barne. Goiko partean beste 24 ornoak ditugu hiru eskualdetan sailkaturik: 7 zerbikal, 12 toraziko eta 5 lunbar. Orno kopurua ez da normalki aldatzen, eta oso arraroa izaten da orno zerbikalen kantitatea aldatzea.
| Orno | |
|---|---|
 | |
| Xehetasunak | |
| Honen parte | bones of vertebral column (en)  |
| Konponenteak | body of vertebra (en) vertebral arch (en) intervertebral foramen (en) superior vertebral notch (en) inferior vertebral notch (en) vertebral foramen (en) Apofisi zorrotza transverse processes (en) superior articular process of vertebra (en) inferior articular process of vertebra (en) |
| Identifikadoreak | |
| Latinez | vertebra |
| TA | A02.2.01.001 |
| FMA | 9914 |
| Terminologia anatomikoa | |
Egitura orokorra
aldatuLehen eta bigarren ornoak (atlas eta axis) izan ezik, orno mugikorrek (goi eskualdekoek) antzeko egitura aurkezten dute. Eredutzat hartzen den ornoa normalean toraxaren erdialdeko bat izan ohi da (T6).
Orno tipiko batek bi atal nagusi ditu: alde bentralean ornoaren gorputza (soma); eta alde dortsalean arku neurala.
Somaren tamaina mailaz maila handituko da, azken orno lunbarra (L5) garaiena izanik. Gainean ornoarteko diskoa du. Bere eginkizun nagusia gorputzaren pisua jasatea da.
Arku neurala laminaz eta pedikuluz osatua dago.
Eskualdeak
aldatuOrno zerbikalak
aldatuGuztira 7 orno zerbikal ditugu. Txikiak eta delikatuak, oso antzekoak dira beraien artean atlas (C1) eta axis (C2) izan ezik. Orno garaia ere berezitzat har daiteke (C7), ezten apofisia beste orno zerbikalek baino askoz luzeagoa baitu.
Orno torazikoak
aldatuOrno torazikoak 12 dira guztira. Beraien ezten apofisia ohikoa baino txikiagoa da eta soma eta giltzadura apofisi tartean karillak ditu, saihetsak giltzatzeko.
Orno lunbar
aldatuOrno lunbarrak 5 dira guztira, gorputzeko ornorik sendo eta handienak dira. Gorputzeko pisua aguantatzen dute.
Sakro hezurra
aldatuSakroa 5 ornoren elkartea da. Helduaroan batu egiten dira eta ez dute ornoarteko diskorik.
Uzkornoa
aldatuUzkornoa 3 eta 5 ornoez osaturiko hezurra da, sakroan bezala ornoarteko diskorik gabe. Animalia askok orno gehiago dituzte, buztana eratuz.