Saint-Pierre: Diferenzas entre revisións

Modelo:Cidade

Saint-Pierre é a capital da colectividade de ultramar francesa de Saint-Pierre-et-Miquelon, fronte á costa de Terranova no Canadá. Saint-Pierre é a máis poboada das dúas comunas (municipios) que compoñen Saint-Pierre-et-Miquelon.

Xeografía

A comuna de Saint-Pierre componse da propia illa de Saint-Pierre e varias illas próximas máis pequenas, como L'Île-aux-Marins. Aínda que contén cerca do 90% dos habitantes de Saint-Pierre-et-Miquelon, a comuna de Saint-Pierre é considerablemente menor que a comuna de Miquelon-Langlade, que se atopa ao noroeste.

O asentamento principal e sé comunal atópase no lado norte do porto chamado Barachois, que se enfronta ao Océano Atlántico, na costa este da illa de Saint-Pierre. A boca do porto está custodiada por unha pequena cadea de illas.

Historia

Ata 1945, existía unha terceira comuna de Saint-Pierre-et-Miquelon: L'Île-aux-Marins. O municipio de L'Île-aux-Marins foi anexado pola comuna de Saint-Pierre, en 1945.

Demografía

A poboación de Saint-Pierre no censo local de 2006 era de 5.888 habitantes,^[1] moitos dos cales son descendentes de vascos, bretóns, normandos ou acadios. Todos os habitantes da comuna (municipio) viven na propia illa de Saint-Pierre.

Goberno

A comuna está dirixida por un alcalde e un consello.

Monumentos históricos

Preto do centro á beira do porto atópase a oficina de correos e aduanas, detrás da cal está a praza do xeneral Charles de Gaulle, no centro da cidade.

Outros fitos destacados en Saint-Pierre inclúen a catedral, ao norte da praza, reconstruída no século XX logo dun gran incendio, e o Faro Pointe aux Cánones, na boca do porto. Máis ao norte, preto de antigo hospital da cidade, está o Frontón Zazpiak Bat, un espazo para o deporte tradicional vasco da pelota.

• 
  Praza xeneral Charles de Gaulle
• 
  A Catedral de Saint-Pierre
• 
  Faro Pointe aux Canons en Saint Pierre
• 
  Frontón Zazpiak Bat arena en Saint-Pierre

Transporte

Saint-Pierre Aeroport, o aeroporto internacional de Saint-Pierre-et-Miquelon, atópase ao sur do asentamento de San Pedro e sérvese por Air Saint-Pierre con voos tanto ao aeroporto de Miquelon Aeroport e cinco aeroportos canadenses.

Radio e televisión

• Radio France Outremer - Radio e televisión
• Radio Atlántico

Cidades irmás

• Port-en-Bessin-Huppain, (Francia), desde 1976.^[2]

Notas

Véxase tamén

Wikimedia Commons ten máis contidos multimedia na categoría:  Saint-Pierre

Ligazóns externas

• Official website (en francés)
• Encyclopédie de Saint-Pierre et Miquelon
• St Pierre & Miquelon
• Local Airline Air Saint-Pierre
• Ferry service for Saint-Pierre, Miquelon and Fortune Newfoundland