Caledonia

Caledonia (do galo e britónico caled, que deu en kalet, "duro", en bretón) é o antigo nome latino de Escocia, que designaba a parte de Britania ao norte do muro de Hadrián, e despois do de Antonino.

Nunca foi conquistada polos romanos, nin sequera a expedición militar de Cneo Xulio Agrícola conseguiu someter a zona ao Imperio Romano. Segundo Tácito, unha frota romana circunnavegouna, verificando así o carácter insular de Britania.^[1] Na actualidade designa unha comarca setentrional do Reino Unido, en Escocia, ao norte do istmo comprendido entre os esteiros do río Clyde e do Forth.

Os pictos ou caledonios habitaron o lugar até o século VII d. C, cando foron conquistados polos escotos, de onde provén Scotia, o nome de Escocia.

Wikimedia Commons ten máis contidos multimedia na categoría:  Caledonia

A Galipedia ten un portal sobre: Escocia

• Caledonian Stadium
• Calidón
• Calidón (cidade)
• Calidonia, Panamá
• Celidonia
• Gatelo e Scota
• Muro de Hadrián
• Nova Caledonia