Mustafa Kemal Atatürk: Differentia inter versiones

Mustafa Kemal Atatürk (1881, Thessaloniki, Grecia - 10 de novembre 1938, Istanbul) era le 1me presidente del Turchia inter 1923 e 1938. In consequentia del reformas institute per Atatürk, Turchia se transformava de un imperio plurinational, unificate solo per un monarcha qui esseva anque le leader religiose del musulmanes, in un republica laic cuje character nationalista, unitari e liberal esseva marcate per le Revolution Francese. Un del reformas le plus notabile de Atatürk es in le dominio linguistic: on ha adoptate le alphabeto latin pro le lingua turc e rejecte multe parolas de origine arabe o perse in favor de neologismos turc o francese.

On memora anque le carriera de Atatürk como militar. Ille esseva responsabile del defensa del patria turc in le Battalia del Dardanellos (1915), e commandava le truppas nationalista que disfaceva le fortias grec e alliate in le Guerra de Liberation (1919-1923).

In ration de su complimentos politic e militar, Atatürk es commemorate hodie como le fundator del Turchia moderne. Su imagine es a vider in tote le botecas e locos de travalio de Turchia; multe placias public son decorate de su statua.

Wikimedia Commons ha files multimedia de: Mustafa Kemal Atatürk