Realismo
Realismo esas estetikal ed artala movado qua evolucionis dum la duesma duimo dil 19ma yarcento, komence en Francia kun pikturi da Gustave Courbet e romani da Gustave Flaubert, qui shokis lora socio por deskriptar la realeso sen supernatura o teoriala elementi e sen artificalaji. Gustave Courbet, Flaubert ed altra artisti reprezentis la desbeleso, la bas-niveleso e la sordideso, e la motivo por ca formo di piktar, skriptar, skultar o kompozar esis la rinovigita intereso pri la vivo di ordinara homi e la developo di idei sinistrana en la politiko.
![](https://cdn.statically.io/img/upload.wikimedia.org/wikipedia/commons/thumb/9/93/Gustave_Courbet_-_Bonjour_Monsieur_Courbet_-_Mus%C3%A9e_Fabre.jpg/320px-Gustave_Courbet_-_Bonjour_Monsieur_Courbet_-_Mus%C3%A9e_Fabre.jpg)