Nintendo Switch
Nintendo Switch er leikjatölva frá Nintendo sem kom út 3. mars 2017. Hana má nota bæði sem smáleikjatölvu og tengda við sjónvarp. Heima má setja hana í hleðsludokku sem er tengd við sjónvarp um HDMI-snúru. Hún er líka með fjölsnertiskjá sem nota má á ferðinni þegar tölvan er ekki í dokkunni.
Hún er með þráðlausum stýripinnum með tökkum, hreyfingarskynjurum og titringsmótor. Festa má stýripinnana við tölvuna með því að renna þeim í raufar hvorum megin á tölvunni. Taka má stýripinnana af og nota hvorn fyrir sig þannig að tveir geta spilað saman.
Spila má með öðrum bæði á netinu og um þráðlaust staðarnet. Leikirnir fást bæði á hefðbundum kubbum og í netinu í Nintendo eShop.
Heimild[breyta | breyta frumkóða]
- Fyrirmynd greinarinnar var „Nintendo Switch“ á ensku útgáfu Wikipedia. Sótt 16. febrúar 2019.
