Ente
Ente is de algemene naam veur een antal soorten voegels uut de femilie van de entachtigen (Anatidae). Alle soorten uut de Anatidae wonnen "enten" eneumd, behalven de soorten uut de onderfemilie Anserinae, de ganzen en zwaonen. Enten bin veurnamelijk waotervoegels, meestentieds kleiner as der verwanten, de zwaonen en de ganzen, mit een kortere nekke, en kunnen in zeut én zout waoter leven. De Tadorninae, waortoe onder aandere de bargente beheurt, houwen 't midden tussen de ganzen en zwaonen.
Enten wonnen soms verward mit verscheiene soorten neet-verwante voegels mit vormen dee derop lieken, zoas dukers, futen en rallen as meerkoet en waoterkiepe. Soms wonnen mit 't woord "ente" allinnig de vrouwtjesenten bedoeld. Een mannetjesente heet een "woerd".
Verzunnen enten
bewarkDe ente is al lange een dier dat vake gebruuk wonnen in verhaolen, veural veur kienders. Een paor veurbeelden bin:
- 't Lillijke entjen deur Hans Christian Andersen (eigenlijks neet een ente, mar een zwaone)
- Kwik, Kwek en Kwak, Donald, Katrien, groepmoor, Govert Goudglans, Zwarte Magica en Dagobert Duck van Walt Disney
- Daffy Duck van Warner Bros
- Alfred Jodocus Kwak van Herman van Veen
- Een heel aander soort Ente is de Citroën 2CV
Onderverdeling
bewarkDe enten bin in-edeeld in verschillende onderfemilies van de entachtigen en vertegenwoordigen dus neet een vaste taxenomische groep. Hier volg de indeling van de voegels dee as enten ezien wonnen:
Femilie Entachtigen (Anatidae)
- Onderfemilie: Anatinae
- Geslachen: Salvadorina, Malacorhynchus, Aix, Pteronetta, Cairina, Chenonetta, Nettapus, Amazonetta, Callonetta, Anas, Marmaronetta, Netta, Aythya, Polysticta, Somateria (eiderenten), Histrionicus, Melanitta, Clangula, Mergellus, Bucephala, Lophodytes, Mergus, Heteronetta, Biziura, Oxyura
- Onderfeamilie: Tadorninae
- Geslachen: Hymenolaimus, Merganetta, Tachyeres, Sarkidiornis, Tadorna
- Onderfemilie: Stictonettinae
- Geslach: Stictonetta
Soorten
bewarkEen paor bekende entensoorten bin:
- Grundelenten
- Hartlaubs ente Pteronetta hartlaubii
- Carolina-ente of houtente Aix sponsa
- Manderienente Aix galericulata
- Pijlstart Anas acuta
- Slobente Spatula clypeata
- Wilde ente Anas platyrhynchos
- Smient Mareca penelope
- Amerikaanse smient Anas americana
- Wientertaling Anas crecca
- Zoemertaling Anas querquedula
- Krakente Anas strepera
- Duukenten
- Tafelente Aythya ferina
- Topper Aythya marila
- Kuufente Aythya fuligula
- Roodkopente Aythya americana
- Witoogente Aythya nyroca
- Eiderente Somateria mollissima
- Zwarte zee-ente Melanitta nigra
- Grote zee-ente Melanitta fusca
- Witkopente Oxyura leucocephala
- Iesente Clangula hyemalis
- Brilduker Bucephala clangula
- Krone-ente Netta rufina
- Fluitenten
Nedersaksisch
bewarkFoto-uutstalling
bewark.jpg){kind=link}
Uutgaonde verwiezing
bewark| Commons: Ente - plaatjes, filmkes en/of gelüüdsbestanden. |
| Disse pagina is eschreven in 't Nunspeets |
