KLM Royal Dutch Airlines
KLM Royal Dutch Airlines (òg berre KLM, eller Koninklijke Luchtvaart Maatschappij) er eit nederlandsk flyselskap som fungerer som Nederlands flaggbærende såleis. Selskapet vart grunnlagt i 1919. I 2004 fusjonerte KLM med Air France til Air France-KLM, sjølv om begge selskapa enno driv under eige namn, men samarbeider tett.
KLM har eit utstrakt rutenettverk i Noreg, og opererer flygingar frå sin base på Schiphol lufthamn utanfor Amsterdam til Bergen, Oslo, Ålesund, Kristiansand, Sandefjord, Stavanger og Trondheim.
Historie
KLM vart etablert den 7. oktober 1919, noko som gjer det til det eldste flyselskap i verda som framleis opererer under sit opphavlege namn. Selskapet starta operasjonar året etter, med ei flyging frå London til Amsterdam. Men det skulle gå eitt år til før selskapet byrja å operera ruteflygingar.
Innan 1926 hadde KLM faste flygingar til Amsterdam, Rotterdam, Brussel, Paris, London, Bremen, København og Malmö. Selskapet starta òg tidleg med interkontinentale operasjonar, og hadde allereie i 1929 ein flyrute til Nederlandsk Østindia (noverande Indonesia). Selskapet opna noke år seinare nok ei interkontinental rute mellom Amsterdam og Curaçao.
Flåten og mengda destinasjonar voks i takt med den aukande mengda passasjerar. Drifta til selskapet opphøyrde under andre verdskrig, men vart raskt reetablert etter slutten til krigen. Selskapet gjekk til innkjøp av endå større fly gjennom 1960-, 70- og 80-talet, og danna i 1989 ein allianse med det amerikanske flyselskapet Northwest Airlines. I 2008 vart Northwest Airlines spttvsaman med Delta Airlines, og KLM held fram dette samarbeidet. Det norske flyselskapet Braathens var òg medlem av denne alliansen fram til det fusjonerte med SAS i 2004. KLM er i dag medlem av flyalliansen SkyTeam.