Pais au fou

La version imprimable n’est plus prise en charge et peut comporter des erreurs de génération. Veuillez mettre à jour les signets de votre navigateur et utiliser à la place la fonction d’impression par défaut de celui-ci.

Ch't' articl'ye fut c'menchie en Jèrriais

Des pais au fou est eune èrchette Jèrriaise. Ch'est eune manniéthe dé soupe ou d'êtchuivée auve des pais et du lard. Ch'est à compather au cassoulet Français.

L'èrchette

un piot ou deux
un haut d'pid
des fèves
des pais d'mai
des gros bliancs pais sés
des châlottes (ou d's ouongnons mînchis)
du sé

M'ttez les pais et fèves à tremper pouor eune niet, pis empliez-en les trais parts d'un pot à lait.

Vèrsez-y dé l'ieau jusqu'au haut du pot, couvrez l'pot atout eune vielle assiette - y'en a tch'amathent lé haut du pot atout du gris papi - et m'ttez ch'la dans l'grand fou en enfouonnant l'pain.

À la r'traite, laîssiz la potée à tchuithe douochement acouo pouor eune heuthe ou deux.

Sèrvez l'fricot caud et paîvrez s'i' vouos pliaît. Lé lend'main nou peut r'caûffer ch'tchi reste.

Les villais portaient lus potées siez les boulandgièrs pouor tchuithe dans l'grand fou toute la niet. Il' en faisaient lus dêjeûner l'Dînmanche, tandi qu'à la campangne nou-s-avait l'fricot en Hivé au r'pas du sé, lé pus souvent au Vendrédi, car ch'tait là l'jour qué nou fouongnait.

Viyiz étout

Mangi