Irochesus

Is Irochesus funt connoscius fumentzas commenti su Populu de sa Dommu Longa. Funt una cunfederatzioni de cincu natzionis (tribù) de nadius americanus de su nord-est de is Istadus Unius ca a pustis de s'adesioni de is Tuscarora est diventat de sesi natzionis: is Cayuga, is Mohawk, is Oneida, is Onondaga, is Seneca e is Tuscarora.

Custus urtimus, a innantis biviant in su chi immoi est s'istadu de sa Carolina de su Nord, e in su 1722 funt stetius custrintus a si spostai faci a nord a pustis de is gherras fatas cun is colonizadoris europeus. Est po custu ca funt intraus a fai parti de sa cunfederatzioni irochesa sceti in unu sigundu tempus. Is Irochesus candu si depint nominai narant de essiri Haudenosaunee, Su populu de sa Dommu Longa.