Sessismu

Sa discriminatzione de gènere, discriminatzione sessuale o sessismu est sa discriminatzione fundada subra su sessu de sa persone chi la patit. Sunt tipu sessismu, pro esempru, su mascrismu e lu micromascrismu, chi discriminant sas fèminas cara a sos òmines, o puru sa discriminatzione de s'òmine cara a sa fèmina.

Est unu tipu de pregiudìtziu chi àlterat s'obietividade e impedumat de apretziare sas persones pro sos mèritos issoros. Si podet refèrrere a tres atitùdines sutilmente diferentes: pensare chi unu sessu est superiore a s'àteru; crèere chi b'at diferèntzia manna intre òmines e fèminas e duncas depent èssere riflètidas in sa manera de si cumportare in sotziedade, comente su limbàgiu, sas atitùdines sessuales o sa lege; o tènnere aversione a sas fèminas (misoginia) o a sos òmines (misandria).

Sos cumbinchiemntos sessistas sunt una forma de essentzialismu, chi sustenet chi sos indivìduos podent èssere cumprèndidos (e a s'ispissu giuigados) in trèmenes de sas caraterìsticas de su grupu a chi pertenent. In su casu de su sessismu, su grupu est su relativu a su sessu -"òmine" o "fèmina"-, assumende chi totus ruent craramente in una de sas duas categorias.

Àteros progetos

Wikimedia Commons tenet files chi ligant a: Sessismu