Калифорния (ярим орол)

Бу атаманинг бошқа маънолари ҳам мавжуд. Қаранг: Калифорния (маънолари).

Калифорния — Шим. Американинг ғарбий қисмидаги ярим орол, Мексикада. Калифорния қўлтиғини Тинч океандан ажратиб туради. Узунлиги 1200 км, кенглиги 80–250 км. Майд. тахминан 144 минг км². Қирғоқлари тик. Жанда ёндош ороллар ва қулай бухталар кўп. Релефи тоғлик, энг баланд жойи 3078 м (Ла-Энкантада тоғи). Вулканик ва кристалл массивлардан иборат. Марганец ва мис рудаси конлари бор. Иклими тропик иссиқ, қуруқ иклим. Ёғин йилига 250 мм ёғади. Чўл ва чала чўл ўсимликлари ўсади. Тоғларда ўрмонлар учрайди. Маҳаллий аҳоли яйлов чорвачилиги, деҳқончилик, боғдорчилик, балиқ овлаш билан шуғулланади.^[1]

Манбалар[edit | edit source]

Ушбу мақолада Ўзбекистон миллий энсиклопедияси (2000-2005) маълумотларидан фойдаланилган.

Ушбу мақола чаладир. Сиз уни бойитиб, Википедияга ёрдам беришингиз мумкин.
Бу андозани аниқроғига алмаштириш керак.