Тўп (спорт)

Т��п ёки копток ўйинларда ишлатилувчи сферик ёки тухумсимон жисмдир. Аксар спорт ўйинларида тўп урилади ва/ёки тепилади. Замонавий тўплар одатда резинадан тайёрланади; қадимда бунинг учун чарм, ҳайвон ичаклари ишлатилар эди.

Бу атаманинг бошқа маънолари ҳам мавжуд. Қаранг: Тўп (маънолари).

Тўп (спортда) — спорт ўйинлармнинг кўп турларида қўлланадиган, одатда, шар шаклидаги буюм. Футбол, волейбол, баскетбол ва регби ўйинларида қўлланиладиган Тўп лар ҳаво бн тўлдирилади; коптокли хоккей, чим устида хоккей ўйинларидаги Тўп лар эса турли материаллардан тиғиз қилиб ишланади ва устки қисми синтетик материал ёки чарм бн қопланган бўлади. Айрим ўйинларда қўлланадиган Тўп ларнинг ранги қатъий қилиб белгиланган (мас., волейбол учун Тўп оқ, баскетбол учун тўқ сариқ рангда бўлиши лозим). Футбол, волейбол, қўл тўпи, сув полоси Тўп лари қобиғи 18 ёки 32 паллача қилиб тайёрланади.

Ушбу мақолада Ўзбекистон миллий энсиклопедияси (2000-2005) маълумотларидан фойдаланилган.