Хебей
Хебей — Хитойнинг шим. қисмидаги провинсия, шарқдан Сариқ денгизнинг Ляодун ва Бохайван қўлтиқлари ўраб туради. Майдони 202,7 минг км². Аҳолиси 65,7 млн. киши (1999). Ҳудудининг катта қисми Буюк Хитой текислигида, ғарб, шим. ва шим.ғарбида тоғлар бор. Дарёлари зич. Маъмурий маркази — Шицзячжуан ш.
Х. — Хитойнинг энг ривожланган провинсияларидан бири. Кўмир, металлургия, машинасозлик, тўқимачилик, фарфорчинни саноатлари мамлакат аҳамиятига эга тармоқдар. Мамлакатда қазиб олинадиган кўмирнинг катта қисми Х.га тўғри келади, шунингдек, темир рудалари ҳамда нефт конлари топилган. Кўп тармоқли машинасозлик, хусусан, энергетика, кончилик, транспорт, металлургия, нефт саноати учун жиҳозлар, қишлоқ хўжалиги машиналари и.ч. ривожланган. Қурилиш материаллари ишлаб чиқарилади. Хандан ва Шицзячжуанда йирик тўқимачилик ктлари, Таншанда керамика кти ишлаб турибди. Провинсиянинг марказий ва шарқий қисмлари провинсия таркибида бўлмаган Пекин ва Тянцзин марказга бўйсунувчи шаҳарлар билан мамлакатнинг ягона саноат рнини ташкил қилади. Х. — мамлакатнинг муҳим деҳқончилик рни. Асосий экинлари: ғалла ва пахта, шунингдек, мойли ва бошқа техника экинлари экилади. Қишлоқ хўжалиги, асосан, шаҳарлар аҳолисини озиқ-овқат хом ашёси билан таъминлашга қаратилган. Буғдой, маккажўхори, гаолян, тариқ, шоли экинлари катта ҳудудларни эгаллайди. Шунингдек, соя, ер ёнғоқ, кунжут, каноп ҳам экилади. Тамакичилик, сабзавот ва боғдорчилик билан ҳам шуғулланилади. Чорвачиликда қорамол, эшак, қўй ва чўчқа боқилади. Паррандачилик ривожланган. Қирғоққа яқин сувлардан балиқ овланади. Буюк канал орқали кема қатнайди.
Х. ҳудудида қад. одам — синантроплар қолдиқлари топилган. Қадимда Х. ҳудуди "Ян ва Ю ери" деб номланган. 17-аср ўрталаригача турли подшоҳлик ва давлатлар таркибида бўлган, ўша вақтдан Чжили провинсияси таркиб топган. 1928 йилдан Х. номи билан аталади.
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Бу андозани аниқроғига алмаштириш керак. |