მი ვორექ მა: Difference between revisions

ჩქიმ დღალეფ დო წიმოძინა
მებუნაფილ რე ჩქიმ გაღაშ გენწყილობაშა.
ევიფშაფუქ რწუმათ დუდიშ, ღორონთიშ,
კათაშ დო წიმი მეურს ირფელ,
ვორწყექ მუ ლექინ მაფ კათაწკუმა საქვარუან.
მუჭო გემშმაჭკირუ შქურინ, ორჩანუა,
მუჭო უკახლე კინიბკინანქ დო მუკი-მუკი ითამ
ირფელ დო ირკოჩ გინაფულენდას თესინ თეშ,
კონფლიქტი კონფლიქტის გეთხოზ.
წუმალე ღიაბი დო -
ამხვადუ უკულ გილალუაფირ კათა,
გინიბრთუქ ეღებუანო დო -
ჩხომეფი მუნეფიშით ენმოცენა მოსას,
ბრელ სოფაფიშ უმშო...

თე ასა-გასას ხვალე ართ "მა" ვემლარე,
ჩქიმ მა-ლეფ ბრელიე დო დღაშე-დღაშა იმიარებუნა,
ჩქიმ მა-ლეფ ართიანს ჭკომუნა დო
იბგავალებუქ მა თინეფიშ გეშა...
ჩქიმ კითხირ ღორონთიშ მეხ თენა რე -
მი რე თინა მით თეს გოკითხუნ,
მით გილეძახ - "ჩქიმი", "ჩქიმი"...
მი ვორექ მა?
ნამ "მა" ვორექ?
მი რე თე "ჩქიმი"?...