"Muuaji" ambaye Umoja wa Kisovyeti alimtumia kunyamazisha maadui zake kikatili

Inasemekana kuwa Vladimir Lenin, kiongozi wa kwanza wa Umoja wa Kisovyeti, aliteseka sana baada ya kupata mshtuko wa moyo mwaka 1922 ndipo alipomtaka mrithi wake, Joseph Stalin, ampe sianidi, lakini Stalin akakataa lakini hapo ndipo suala lilipoanza.

Wengine wanadai kuwa wakati Lenin alipopigwa risasi wakati wa Mapinduzi ya Balshevik mwaka 1918, madaktari wake waliamini kuwa risasi aliyopigwa ilikuwa na sumu na kwamba njama hizo zilianzia hapo.

Lakini baadhi ya vyanzo vinakubaliana kwamba kiwanda cha sumu cha Kremlin kilianzishwa na amri ya Lenin miaka ya awali ya 1920.

Katika kituo hiki cha utafiti, Umoja wa Kisovyeti ulibuni njia mpya za kuondoa maadui wake, ambazo hazikuwezekana kuwaeleza.

Kazi hiyo inaaminika kuwa ilianzia kwenye shirika la kwanza la ujasusi la Urusi la Kisovieti ili kuzuia njia ya wale wanaofanya kazi dhidi ya mapinduzi.

Kama ilivyobadilishwa jina huduma ya siri ya Soviet mara ya kwanza ilikuwa inaitwa "ofisi maalum" na baadaye ilitajwa kama Laboratory 1, Laboratory X, Laboratorry 12 yaani maabara 1, , maabara X, maabara 12. Katika kipindi cha Stalin ilijulikana kama kamera au 'The Chamber' yaani "chumba".

Kwa Kirusi, "kamera" ina maanisha gerezani.

Ni jinsi gani kampeni zake za siri zilivyoweza kufichuliwa baada ya kuanguka kwa Umoja wa Kisovyeti, ambapo watu kadhaa walithibitisha uwepo wake lakini hadi leo "kamera" bado ni siri.

Jinsi kampeni zilivyokuwa za siri zinaweza kutathminiwa kutokana na ukweli kwamba baada ya kuanguka kwa Umoja wa Kisovyeti, nyingi ya siri zake zilifichuliwa, ambapo watu wengi walithibitisha uwepo wake lakini hadi leo "kamera" bado ni siri.

Silaha zenye nguvu

Utamaduni wa kutumia sumu kama silaha ya kisiasa ni wa zamani. Ni hakika pia kwamba Umoja wa Kisovyeti haukuwa nchi ya kwanza kuitumia wala ya mwisho.

Inaweza kukumbukwa kwamba mwaka 1960, CIA, Shirika la Ujasusi la Marekani, lilipanga kumuua kiongozi wa Cuba Fidel Castro, kwa hiyo njia moja ilikuwa ni kumpa sigara yenye sumu. Fidel Castro alipenda sana kuvuta sigara.

Wakati wowote mtu fulani alipopangiwa kuuawa, ilihusisha matumizi ya sumu hatari na yenye ufanisi.

Sumu ambayo huua bila kuacha ushahidi

Kamera hiyo ilikuwa na lengo la kutengeneza sumu isiyo na ladha yoyote na haingeweza kugundulika katika maabara pindi mtu anapofariki ili kifo kisionekana kwamba sio cha kawaida.

Mwandishi wa kupinga Usovieti Leo Rabbit alifariki kutokana na mshtuko wa moyo mwaka 1957 au inaaminika alifariki kutokana na mshtuko wa moyo. Miaka minne baadaye, mtu mmoja wa KGB alidai kumwagia gesi ya sumu kwenye uso wa Leo Rabbit kwa kutumia chupa ya sianidi.

Mwanasiasa mwingine aliuawa kwa sumu iliyomwagiwa kwenye taa ya kusoma. Joto kutoka kwenye taa ilisababisha sumu kusambaa kwenye chumba chake chote.

Vile vile, mawakala wa KGB pia walitumia sodium fluoride, ambayo ikiwa itatumiwa kwa lishe fulani, haiwezi kusababisha kifo. Hii ni kwa sababu watu wengi huitumia katika maisha yao ya kawaida na tayari iko katika mkondo wao wa damu.

Thallium, ambayo ilikuwa ikiua panya, pia ilitumika kuua watu.

Ingawa madaktari wanaelewa dalili za ugonjwa wa sumu ya thallium, ni vigumu sana kwao kujua kama mauaji yalisababishwa kwa mtu kuingizwa kitu mwilini mtu na kama mionzi hatari ya sumu ya thallium imesababisha kifo taratibu.

Kadri mwili wa mtu unavyochunguzwa, sumu ya thallium inapotea na hakutakuwa na ushahidi wowote wa sumu itakayobaki mwilini.

Katika baadhi ya matukio, sumu ya thallium iligundulika, lakini haikuwa rahisi kufuatilia na kumtambua muuaji. Katika matukio haya, kulikuwa na majadiliano kuhusu matumizi ya silaha zisizojulikana kwa aliyeuawa.

Kujitoa mhanga ni vigumu sana kutambulika ikiwa kutakuwa na risasi zinazorushwa kutoka umbali fulani, lakini kwa upande wa sumu, kila kitu kinaonekana na wauaji wanaitumia hilo kwa faida yao wenyewe.

Kutajwa kwa kwanza kwa uwepo wa maabara hii ya Soviet kulikuja kuzingatiwa na Magharibi wakati wa nyaraka sita zilizoandikwa na Wasili Metrokhin katika miaka thelathini zilipojulikana.

Wasili Mitrokhin alikusanya nyaraka hizi wakati alipokuwa msimamizi wa maeneo ya hifadhi ya kumbukumbu katika Taasisi ya Mambo ya Nje ya GB na Kurugenzi Kuu ya Kwanza.

Maafisa wengi wa zamani wa ujasusi wa Urusi, wengine waliostaafu na wengine waliokuwa wauwaji, wamefichua siri nyingi za Idara ya Huduma ya Siri.

Hata hivyo, habari zenye kuhuzunisha zaidi zilikuja wakati Paul Stalin Plato, jasusi wa zamani wa Stalin, alipoandika kuhusu maabara hiyo na mkurugenzi wake, Profesa Gregory Maranovsky.

Alisema Maranovsky alikuwa akiwadunga watu sindano kwa kisingizio cha uchunguzi wa mara kwa mara.

Kwa amri ya mkuu wa polisi wa Idara ya Huduma za siri wa Stalin, Levante Beria, na Jenerali Wassily Blochin, kamera zilitumiwa kwa wafungwa katika Kituo cha Mateso cha Glag.

Hizi ni pamoja na gesi ya haradali, sianidi na sumu nyingine nyingi.

Waathiriwawa wake ni pamoja na mwanadiplomasia wa Uswidi, Raلl Wallenberg, ambaye alikufa kwa njia ya kushangaza akiwa katika kizuizi cha Soviet.

Baadhi ya wananchi wa Ukraine na wapinzani pia walikuwa waathirika.

Kwa upande mwingine, sumu inaweza kutumika kama onyo au somo kwa wengine kuona nini kitatokea kwao baadaye kama wao watavuka mipaka yao.

Baadhi ya sumu husababisha kifo cha haraka wakati wengine wanapitia kifo chenye uchungu sana.

Kutoka Umoja wa Kisovyeti hadi ulimwengu

Kwa mujibu wa wataalamu, wakati vita vya Baridi vilipokuwa katika kilele chake, mfano wa matukio ya matumizi ya sumu za neva na silaha za kemikali viliibuka kwa wapinzani wa kisiasa, waasi, waliokuwa uhamishoni na viongozi wanaounga mkono uhuru.

Watu wengi walikuwa wanakabiliwa na madhila yasiokifani. Mwandishi wa 'KGB Poison Factory', aliyehudumu katika Huduma ya Ujasusi wa Kijeshi nchini Urusi, aliandika katika makala yake ya gazeti la Wall Street Journal kwamba wakati ambapo hakuna sumu iliyopatikana, nani angeweza kuhesabu waathirika?

KGB iliendelea kuwanyamazisha maadui wake katika Muungano wa Sovieti ulioisha.

Wakala wa KGB, Ored Kalogan alikiri kuwa Umoja wa Kisovyeti ulihusika katika mauaji ya mwandishi wa habari wa BBC George Ivano Marpi jijini London.

Lakini hata leo haijajulikana kwa uhakika kama atafanya nini baada ya kuacha wadhifa huo.