Янгиликлар: 13 аёлга уйланган эркак ушланди, ҳукуматни кескин танқид қилган сайт ёпиладими?
Сурат манбаси, Video grab
Тожикистонда қўлга олинган эркак аёлларни ўқиб "жин чиқариши" билан шуғулланган. Қирғизистондаги Kloop нашрини тугатиш бўйича судга даъво киритилди.
Тожикистон фуқароси Ҳасан Мухторов кўп хотинлиликда айбланиб қўлга олинган. Тожикистон ИИВ чиқарган "Ахбори ВКД" кўрсатувида айтилишича, ўзини диний хизматчи, деб тақдим қилган эркак 13 аёл билан никоҳ қурган.
Аsiaplustj.info нашрининг ёзишича, Мухторов аёлларга ўзини "мулла" деб таништирган ва никоҳдан ўтишни таклиф қилган.
Кўрсатувда айтилишича, Мухторов баъзи аёллар билан бир муддат никоҳда бўлган, айримларига эса тўй қилиб уйланган.
У, шунингдек, ўзини руҳ ва жинларни қувиб чиқарувчи шахс сифатида тақдим қилган ва шу йўл билан аёлларнинг ишончига кирган, дейилади кўрсатувда.
ИИВ аёлларнинг номини ошкор қилмаган, бироқ уларнинг камида 7 нафари Мухторовга қарши кўрсатма берганини айтган.
Улардан бири Ҳасан билан 6 йил бирга яшагани ва бу вақтда 2 нафар фарзандли бўлганини гапирган.
Яна бир аёл Мухторов билан 2009 йили даволанишга келган вақти танишгани ва 12 йил бирга яшаганини ҳамда 2 фарзандли бўлганини айтган.
У собиқ турмуш ўртоғи ўзини мулла деб таништирса-да, ҳатто намоз ўқимаганини таъкидлаган.
Лавҳада айтилишича, Мухторов аёллари ва болаларини моддий таъминотига эътибор бермаган.
Қирғизистон: Прокуратура Kloop нашрини тугатиш бўйича судга даъво киритди
Сурат манбаси, Screenshot
Бишкек прокуратураси Kloop мустақил ахборот сайтини ҳукумат сиёсатига нисбатан ўта танқидий позиция ушлаганлиги сабаб ёпилишини сўраб судга мурожаат қилди.
Нашр Ўзбекистонда блокланган.
Прокуратуранинг таъкидлашича, нашрнинг хабарлари "ижтимоий-психологик кескинлик" нинг кучайишига олиб келади ва ўз жонига қасд қилиш ва "жинсий оғиш" эҳтимолини чуқурлаштириши мумкин.
22 август куни тақдим этилган, лекин фақат шу ҳафта жамоатчиликка ошкор бўлган даъво "соф салбий характердаги" ҳокимият ҳақида тасаввурни акс эттирувчи ўндан ортиқ ҳисоботнинг таҳлилига асосланган.
Eurasianet.org нашрининг таъкидлашича, ушбу иш 2020 йил октябридаги кўча тартибсизликларидан кейин ҳокимиятга келган президент Садир Жапаров бошқаруви остида матбуот эркинлигига берилаётган зарбаларда навбатдаги бурилиш бўлди.
Нашрга кўра, Kloop Қирғизистондаги агрессив суриштирув олиб борадиган саноқли манбалардан бири бўлиб қолмоқда. Унинг ҳисоботлари Жапаров атрофидаги мансабдор шахсларнинг молиявий манфаатларини ҳам қамраб олади.
Eurasianet га кўра, Kloopga қарши иш мавҳум айбловларга асосланган.
"Ўз далилларини келтирар экан, прокуратура психиатрик таҳлиллардан иқтибос келтириб, веб сайт��а чоп қилинган мақолалар мамлакат раҳбариятига ишончсизлик уйғотаётгани ва натижада сиёсий беқарорлик келтириб чиқармоқда, деб даъво қилмоқда", деб ёзади Eurasianet.
Мустақил нашрнинг ёпишни сўраб судга мурожаат қилиниши ўзбектилли ижтимоий тармоқ иштирокчиларининг ҳам эътиборини тортган.
Айни мақолада Twitter томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Twitter ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири Twitter пост, 1
"Марказий Осиёдаги ёввойи бўлсада сўнгги демократия оролчаси чўкди, ғарқ бўлди, тамом бўлди", деб ёзади логер Нозим Сафари.
Қозоғистонда рус тили мақоми борасида баҳсли интервю берган Россия к��нсули ишдан олинди
Россиянинг Қозоғистондаги бош консули Евгений Бобров Қозоғистон мактабларда мақсадли равишда рус тилини таҳқирлаяпти, деганидан сўнг ишдан олинди.
Ўтган ҳафта чоп қилинган интервюда Бобров Қозоғистонда рус тилини ўқитишда орқага кетишга гувоҳ бўлаётганини айтган.
"Ушбу феноменнинг маълум сабаблари бор. Масалан, этник русларнинг камайиши, шунингдек, Қозоғистон таълим вазирлигининг ўқув фанларини қозоқ тилида ўтказишга доир маълум йўналиши ҳам бор", деган Бобров ТАСС агентлигига берган суҳбатида.
Бош консулнинг айбловлари Қозоғистон Ташқи ишлар вазирлигининг кескин муносабатига сабаб бўлди.
Ташқи ишлар вазирлиги матбуот котиби Айбек Смадияров душанба куни Евгений Бобров Қозоғистондаги дипломатик вазифасини якунлаганини тасдиқлади.
"Балки бу одам мамлакатимиздаги вазиятдан тўлиқ хабардор бўлмаслиги мумкин. Республикадаги барча мактабларни ягона тил сифатида қозоқчага ўтказиш режаси йўқ", деган Смадияров.
https://t.me/bbcuzbek
BBC.COM/UZBEK
Telegramda bog'lanish raqami +44 7858860002
