Сўз сизга: Президент сайловида фақат Мирзиёев қатнашадими? Ўзбекистон, янгиликлар
- Мустақил журналист
- Ўзбекистон
Сурат манбаси, uza.uz
Албатта, сайловда бир эмас беш сиёсатчи беллашади, бунга шубҳа йўқ.
Бошидан бир масалани очиқлаб олайлик - Ўзбекистонда кечган ҳеч бир сайловда адолатли беллашув бўлмаган, бу ҳам бор гап.
Шавкат Мирзиеёвнинг сайловолди "юришлари" ва завқу шавқ билан сайловчилар қаршисига чиқаётгани Ислом Каримовнинг бу каби демократик саналган жараёнларга беписанд бўлганига том тескаридир.
Аммо орада битта ўхшашлик бор.
Сурат манбаси, kun.uz
Иккала президент ҳам ҳақиқий мухолифат билан беллашишни истамаган.
Мирзиёевга қарши саҳнага чиққан ёки кўп эҳтимол билан чиқарилган номзодларнинг бирор нафари очиқчасига уни танқид қилаётгани йўқ.
Ҳатто Мирзиёев каби ўзи бир бўлаги бўлган ўтмишни савалашга журъат этишга ботинмаяпти.
"Мирзиёевга осон эмас" дейиш осон
Сурат манбаси, Gazeta.uz
Шавкат Мирзиёев - президентликка номзод ёки ўзи айтмиш "кандидат", холос. Ҳукуматга яқинроқ мулозимлар, айниқса унинг тарафдорлари билан суҳбатлашсангиз, аксарият битта гапни кўп такрорлайди. "Президентимизга осон эмас..."
Тўғри, Мирзиёевга сўнгги беш йил ичида ўзи ҳам, бошқалар ҳам санаб турадиган қатор ислоҳотларни ўтказиш осон бўлмаган.
Аммо "осон" бўлганида ва конвертация, қўшнилар билан муносабатларни яхшилаш, нисбатан очиқлик сиёсати юритилмаганида кимга фойда, кимга зарар эди?
Гап шундаки, Ислом Каримовдан ҳеч қурса жичча фарқланиш ва мамлакат тараққиётида ҳал қилувчи сиёсатчи бўлиш учун ҳам бу ислоҳотларга эҳтиёж бор эди.
Табиий, қудратдаги турфа "каламушлару ғаламислар" бошқачароқ режа қилишган ва ўз манфаатларини жон-жаҳдлари билан ҳимоя қилишган бўлиши мумкин.
Гап миллионлаб сўм эмас, миллионлаб долларлар ҳақида борганини Каримов даврида гумон қилиб юрган бўлсак, Мирзиёев даврида ... бу гумонларни аритдик.
Сурат манбаси, darakchi.uz
Очиқ қолаётган саволлар эса ҳали ҳам бор.
Сурат манбаси, xabar.uz
Коррупция, катта миқдорда ўғирликлар ҳамон давом этаётгани президенликка номзод Мирзиёев ўз ҳаёт тажрибасидан келиб чиқиб айтмоқда.
Унинг оиласига яқин шахсларга доир турфа иқтисодий шубҳа - гумонлар бот-бот пайдо бўлмоқда.
Балки бу гумонлар ҳам ариб кетар...
"Президентга осон эмас..." Хўп, халққа осонми?
Ўзбекистонда бўлсангиз, худди мана шу савол билан ёнингиздаги одамга юзланиб кўринг.
Сизга (бизга) осонми?
Аммо Ўзбекистонда президент бўлиб туриб сайловда қатнашиш бошқа номзодларга нисбатан... анча осон кўринади.
Ҳеч бир сиёсатчи, кузатувчи 24 октябрда Ўзбекистонда президент ўзгаришига ишонмайди.
Бунинг бир қатор сабаблари бор.
Сабабларнинг тенг ярми Мирзиёевнинг шу кунга қадар президент ўлароқ амалга ошира билган ишлари билан боғлиқ бўлса, яна тенг ярми юқорида айтилгани - ҳеч бир номзод унга муносиб рақиб эмаслигига бориб тақалади.
Лекин шунда ҳам Мирзиёев учун бу сайлов тарғиботи бошқа номзодларга нисбатан анча осон кечаётган кўринади.
Келинг, бу мақолада келтирилган таниқли нашрларнинг бош саҳифаларига бир қур назар ташлаймиз.
Шавкат Мирзиёевдан ташқари қайси номзоднинг исмини эслаб қолдингиз?
Ўзбекистон: Сайлов 2021
Президент сайлов кампанияси бошланди
Сайлов кампаниясининг расмий бошланиши. Ўз номзодини муваффақиятли рўйхатдан ўтказган сиёсий партияга давлат бюджетидан кампания мақсадлари учун 3,1 миллиард сўм ажратилади. Бу ҳар бир партия Олий Мажлисда эгаллаган ўрни учун давлатдан оладиган йиллик маблағ устига қўшиладиган маблағдир.
ЕХҲТ кузатувчилари Ўзбекистонга келишди
ЕХҲТ мамлакат бўйлаб 28 узоқ муддатли кузатувчи жойлаштиради
Мамлакат бўйлаб узоқ муддатли кузатувчиларнинг жойлаштирилиши
Ирландиялик сиёсатчи Еоган Мёрфи раҳбарлигидаги кузатувчилар ҳайъати сайлов жараёнига боғлиқ турли жараёнларни кузатиб боради. Буларга овоз берувчилар ва номзодларни рўйхатдан ўтказиш, кампанияни молиялаш, оммавий ахборот воситаларида ёритилиши, жойлардаги сайлов комиссияларининг фаолияти ва бошқалар киради.
Сайловчиларни рўйхатга олиш
Фуқаролар ўзларининг овоз беришга тааллуқли ҳужжатларини онлайн ҳамда сайлови кунидан 15 кун илгари бевосита сайлов участкасининг ўзида текшира оладилар.
Сайлов кампаниясининг сўнгги куни
Сайловолди кампанияси расман овоз беришдан бир кун олдинги “сукут куни”да якунига етади. Овоз бериш куни барча сайлов тадбирлари тақиқланган.
Овоз бериш куни
Овоз бериш маҳаллий вақт билан xx:xx да бошланади. Расман рўйхатга олинган 20,5 миллион сайловчи беш номзоддан бирини танлайдилар. Жорий Президент Шавкат Мирзиёев 2016 йилги президентлик сайловида қонуний сайловчиларнинг 88,6 фоизи овозини қўлга киритиб ғолиб бўлган эди.
Иккинчи давра сайлов - эҳтимолий
Агар ҳеч бир номзод кўпчилик овозни эгаллай олмаса, энг кўп овоз олган икки номзод ўртасида бир ой ичида иккинчи давра сайлов ўтади.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
