Украина. Янгиликлар: Путин ‘тузоққа тушди’ми? Таҳлил Ukrainа Rossiya Putin Yangiliklar
Сурат манбаси, Getty Images
Путин ўзини ўзи тузоққа туширган. Ҳозир ундан жон-жаҳди билан чиқишга ҳаракат қилаётир. Аҳволи танглашган Путин кундан кунга хавфли бўлиб бораётир, деб ёзмоқда The Guardian шарҳловчиси. Энди Путиндан нималарни кутса бўлади?
Украина: Путин 'тузоққа тушган' ва аҳволи тангми? Сўнгги тафсилотлар Putin Rossiya BBC News O'zbek
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 1
Таҳлил:
Алоқадор мавзулар:
Шарҳловчи Саймон Тисдэллга кўра, Россия президенти Украинада урушни чўзолмайди.
Чунки Ғарбнинг санкциялари Россия иқтисодини еб бормоқда, Қуролли кучларининг сони ва имконияти изчил равишда камайиб бораётир, дейди шарҳловчи.
Шундай экан, Путин энди буёғига нима қилади?:
У урушда ўзлари ғалаба қозонганликлари, НАТО "таҳдиди" бартараф этилганлигини эълон қилиши ва Россия ишғоли остидаги ҳудудлар аннексиясини тан олувчи сулҳ таклифи билан чиқиши мумкин.
Лекин Путин Киев бу шартларни ҳеч қачон ўз ихтиёри билан қабул қилмаслигини яхши билади.
Россия президенти Беларусь орқали Киев шимолида иккинчи жабҳани очиб, жанг майдонида урушни янада оловлантиришга ҳам бориши мумкин.
Аммо буни унинг генераллари қанчалик исташи маълум эмас.
Путин Киев қаршилигини синдиришнинг энг яхши йўли - Украина иттифоқчиларининг кўнглини олиш, деган қарорга ҳам келиши мумкин.
Дарҳақиқат, у ҳозир худди шундай қилаяпти ҳам...
Сурат манбаси, REUTERS/EPA
Европада энергия нархларининг ошишидан хавотирлар кучаймоқда.
Бундан ташқари, Россиянинг сиёсий жиҳатдан тарқоқ Европа бўйлаб сочилиб кетган ҳайратланарли миқдордаги иттифоқчилари ҳам бор.
Дейлик, Венгрия Бош вазири Европа Иттифоқининг Россияга санкция киритишига бир неча бор тўсқинлик қилди.
Ўзи ҳам Европа Иттифоқига кирувчи мамлакати ўтган ой Кремль билан бир томонлама газ битимига эришди.
Италиянинг сайловлардан к��йин бошқарувдаги коалицияга кириши кутилаётган икки ўта ўнг қанот партияси лидерлари ҳам, йилларки, Кремль билан яқин алоқада.
Европанинг бошқа ўта ўнг ва ўта сўл қанот халқбоз партиялари ҳам у ёки бу даражада ўзларини Путиннинг мафкураси ва анъанадор ижтимоий қадриятларига уйғунликда кўришади.
Путин, яна шунингдек, Сербия президенти Александр Вучич каби Европа Иттифоқига кирмовчи давлатларнинг етакчи сиёсатчиларига ҳам орқа қилиши мумкин.
Сербия Россиянинг узоқ йиллик иттифоқчиси ва 1999 йилда Белграднинг НАТО томонидан бомбардимон қилинишини унутмаган.
Европа Иттифоқи ва Буюк Британия эски можароларни қайта қўзғаш ва эътиборни Украинадан чалғитиш учун Путин яна Ғарбий Болқондаги беқарорликдан фойдаланиши мумкинлигидан ҳам қўрқади.
Путиннинг Запорожьедаги бепарво хатти-ҳаракатлари унинг ғалаба учун деярли ҳамма нарсага тайёрлигини кўрсатади.
Аҳволи танглашган Путин кундан кунга хавфли бўлиб бормоқда, дея хулоса қилади Guardian шарҳловчиси Саймон Тисдэлл.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
