Янгиликлар. Россия: Путин тугадими – нима бошланди? Rossiya Putin Ukraina
- Жереми Боуэн
- BBC News, Киев
Сурат манбаси, Getty Images
Путиннинг президент сифатида "куни битаяпти"ми?
Киев ўз баҳосини берди.
Алоқадор мавзулар:
- Янгиликлар: Путин Пригожин исёнини "хиёнат" деб атади ва жазо муқаррарлиги билан пўписа қилди
- Янгиликлар: Путин ҳеч кимни аямайдими?
- Пригожин қаттиқ сўкди ва "Вагнер" Бахмутдан чиқишини айтди, шаҳар тақдири нима бўлади?
- Украина уруши: Путин алоқаси борлигини тан олмаётган "Вагнер" гуруҳи қанчалик кучайди?
Ҳаммаси диққат-этиборда
Украина пойтахтида эътибор "Вагнер" исёни, етакчиси Евгений Пригожин, у бошлаган ғалаённинг Путин ва Украина урушига таъсирига қаратилган.
Ўзларига чегарадош Россиядаги воқеаларнинг сўнгги драматик ривожи Киевда Путиннинг президент сифатида "куни битаётгани"га оид қарашларни кучайтирган.
"Менимча, ҳал қилувчи палла бошланди", - дейди Украина президентининг яқин маслаҳатчиси Андрий Ермак.
Би-би-сига гапирган украиналик юқори мартабали мулозимлар барчасининг иддаоси шунга яқин мазмунда.
Бу мулозимларнинг даъво қилишларича, Путиннинг қудрати, барибир, қаттиқ дарз ейди - Россия президенти бундан қочиб қутулолмайди.
Улар фикрича, бу Путиннинг ўтган йилнинг февраль ойида Украинага кенг кўламли босқинни уюштириш ҳақидаги ҳалокатли қарори билан бошланган.
"Вагнер" исёни ва Пригожин томонидан Кремль уруш оқловининг қораланиши Путиннинг қудратда қолишга бўлган сўнгги имкониятини ҳам йўққа чиқарган.
Улардан бирининг таъкидлашича, "Путин режимини асраб қолиш имконсиз".
Аммо, шуни ҳам ёдда тутиш керакки, украиналиклар, айниқса, бошқарувдагилари рақиблари Россия ҳақида айтаётган ҳар қандай гап қизғин уруш палласида янграётир.
Украиналиклар эса, буни ўз давла��чиликларини сақлаб қолиш йўлидаги кураш сифатида кўришади.
Янги кучлар?...
Сурат манбаси, .
Аммо, шубҳасиз, Путин илк бор президентликка келган 2000 йилдан буён энг жиддий синов қаршисида қолган.
Киевдаги бошқа юқори мартабали мулозимлар эса, Путин ичкаридагиларнинг норасмий, аммо уюшган гуруҳи қаршилигига учраганига амин эканликларини айтишаётир.
Украина Миллий Хавфсизлик ва Мудофаа Кенгаши котиби Олексий Данилов фикрича, "Пригожин энг каттаси эмас. Улар янги сиёсий элитага айланишлари мумкин".
Котибга кўра, улар хавфсизлик кучлари, мулозимлар, Украинага босқин қарорини Путиннинг ўзи учун ҳалокат, Россия учун эса, таҳдид эканига ишонган россиялик олигархлар вакилларини ҳам ўз ичига олган.
Унинг айтишича, бу гаплари шунчаки "миш-миш" эмас. "Бу одамларнинг ким эканлигини билишади, уларнинг ҳаётларидан ҳам хабарлари бор".
Украина президентининг яна бир яқин маслаҳатчиси Михайло Подольяк ҳам худди шу каби фикрларга қўшилади.
Подольякка кўра, Россияда "қудратни қўлга олиш истагида бўлган бир қанча гуруҳлар бор".
Путин барпо этган автократик ва иерархияга асосланган тизим қудрат марказини, унинг иддао қилишича, бўшлиқ қоплаган.
Янги башоратлар...
Исм-шарифини айтмаслик билан гапирган яна бир юқори мартабали мулозим эса, бундан ҳам чуқурроқ кетди.
Унинг тахминича, президент Путин навбатдги ҳарбий муваффақиятсизликдан сўнг Мудофаа вазири Сергей Шойгу ва Россия Армияси Бош штаби бошлиғи Валерий Герасимовни ўз вазифларидан четлатиши мумкин.
Бу эса, Евгений Пригожин ва бошқа вагнерчи исёнчиларнинг асосий талаби эди.
Унинг башорат қилишича, "Пригожин, барибир, ўзининг истаган нарсасига эришади".
"Пригожиннинг сиёсий ҳаёти ҳалича тугамаган. У Беларусда қувғиндалигича қолмайди".
Украина ишғолининг ўзига келганда эса, Михайло Подольяк фикрича, "Вагнер" исёни қарийб икки минг чақиримлик жабҳада кечаётган жангларнинг тақдирига таъсир қила олмаган, тез тугаган.
Бунчалик катта жанг жабҳаси эса, 1945 йилдан буён дунёнинг бирор бир бурчагида кузатилмаган.
(Мақола қисқартириб берилмоқда).
BBCUZBEK.COM билан Telegram орқали +44 7858860002 номери билан боғланинг.
