Путин ва унинг Россиядаги президентлик сайловларидаги уч «рақиби». Бу одамлар кимлар?

saylov

Би-би-си 2024 йил 15-17 мартида ўтадиган сайловда кимлар қатнашаётгани ҳақида маълумот беради.

putin

Кампания эмас, лекин уруш олиб боради. Урушни ва бошқарувни давом эттиришни ҳам истайди.

У бешинчи марта сайланмоқчи. Икки йил олдин у Украинага қарши урушни бошлади, унинг бир қисмини аннекция қилди. 2023 йилда Халқаро Жиноят суди Путинни украиналик болалар депортацияси билан боғлиқ иш юзасидан ҳибсга олиш учун ордер берган. Ўзининг аввалги муддати давомида у Конституцияни ўзгартирди, аввалги сайланган муддатларини ноллаштирди ва Россияда сиёсий репрессияларни кучайтирди, энг таниқли мухолифатчиларни қамоққа ташлади ёки мамлакатдан кетишга мажбур қилди. Эҳтимол, сайловда 80 фоизга яқин овоз билан ғалаба қозонади. Амалдаги қонунлар Путинга 2036 йилгача ҳокимиятда қолишига имкон беради.

Алоқадор мавзулар:

xaritonov

Рўйхатдаги энг кекса номзод. У "келажакка сўл бурилиш"ни таклиф қилмоқда ва Путинни танқид қилмаслигини алоҳида таъкидлайди.

Россия Федерацияси Коммунистик партиясининг 75 ёшли фахрийси, 20 йилдан ортиқ тажрибага эга Давлат Думаси депутати. Харитоновнинг сайловолди ташвиқотининг ягона ҳайратланарли томони унинг узоқ йиллик партия раҳбари Геннадий Зюганов ўрнига сайланиш учун кўрсатилиши бўлди. У "Биз капитализмда ўйнадик, етар энди" шиори билан сайлов кампанияси олиб бормоқда.

Унинг айтишича, унга ёқадиган нарса "одамларга бўлган муҳаббат". Интервьюда у журналистларга нима учун Владимир Путиндан яхшироқ эканини айта олмаслигини айтди ва Россия президентини танқид қилмасликка ваъда берди. 2022 йилда у Ғарб санкцияларига учраган. У Украинанинг «денацификациясини» қўллаб-қувватлади.

Веб-сайтига эга бўлмаган ягона номзод.

slutskiy

ЛДПР депутати журналистларни таъқиб қилишда айбланган. У партиянинг ўлган асосчиси номидан кампания олиб бормоқда.

У Владимир Жириновский ўлимидан кейин ЛДПР раҳбари бўлган. Сўнгги саккиз йил давомида у Думанинг Халқаро ишлар бўйича қўмитасини бошқариб келган. У Европадан делегацияларнинг босиб олинган Қримга саёҳатларини уюштирган - шунинг учун у 2014 йилда Ғарб санкцияларига учраган эди. Рус православ черкови билан дўст, Украинага босқинни қўллаб-қувватлайди.

2018 йилда бир қанча журналистлар, жумладан Би-би-си мухбири уни жинсий зўравонликда айблаган. Номзоднинг бутун кампанияси ўлган Жириновскийнинг шахсига қаратилган, унинг фикрича, Жириновский иши давом этмоқда.

davankov

Давлат Думасида уруш учун овоз б��рган, аммо гўёки тинчлик учун номзод.

Жуда оз танилган янги партиянинг янги юзи. Faberlic асосчиларидан бири. 2023 йилда Москва мэрлигига сайловларда қатнашиб, 5 фоиздан сал кўпроқ овоз тўплади. Украина билан урушда у "Россия шартлари" асосида "тинчлик ва музокаралар" тарафдори.

У Украина ҳудудларининг аннекция қилинишини ёқлаб овоз берган, бунинг учун у халқаро санкцияларга дучор бўлди. Сайловлар арафасида у Россия мухолифатининг бир қисми томонидан қўллаб-қувватланди. Максим Кац Даванковни Кремль сиёсатига қарши россияликлар учун энг мақбул номзод деб ҳисоблади. Алексей Навальний тарафдорлари бу фикрга қўшилмайди.

https://t.me/bbcuzbek

BBC.COM/UZBEK

Telegramda bog'lanish raqami +44 7858860002