Nynorsk.no / Haugesenteret / Arrangement Haugesenteret
Arrangement Haugesenteret
Oversikt over arrangement i regi av Haugesenteret, inkludert arrangement i samband med Poesifestivalen. Sjå Opningstider og prisar for informasjon om billettar til utstillinga.
Fleire arrangement kjem til hausten
9. juni
kl. 13.00
HARDANGER FOLKEMUSEUM, UTNE
Diktardagen er diverre flytta grunna sjukdom. Ny dato kjem snarleg.
Haugesenteret i Ulvik og Hardanger folkemuseum på Utne deler kvart år ut Diktartavla til ein markant norskspråkleg lyrikar. I år heidrar me den allsidige poeten Per Olav Kaldestad med ein plass på Diktarstien!
24. august
kl. 14.00
KONGRESSEN, BRAKANES HOTEL
Jon Fosse si historie om Spelejenta er ei vakker og underfundig forteljing med kjende trekk frå både folketrua og bibelhistoria. Sjå eventyret koma til live gjennom musikk, dans og skodespel av Anne Heidi Kvam Hillestad og Sivert Holmen! Framsyninga passar for folk i alle aldrar, og ekstra godt for born mellom 4 og 9 år.
24. august
kl. 19.00
KONGRESSEN, BRAKANES HOTEL
Framsyninga gjev innblikk i den gryande kjærleiken mellom Cappelen og Hauge, samstundes som ho utforskar den sakte og ettertenksame kommunikasjonsforma brevskriving er.
POESIFESTIVALEN 2024
12. september
kl. 19.00
LITTERATURHUSET I BERGEN
Poesifestivalen tjuvstartar årets festival med langlesing av Hauge sitt gjennombrotsverk På ��rnetuva. I Bergen, med byen sin store poet Cecilie Løveid!
13. september
kl. 10.00
BAUTAEN PÅ ALLMENNINGEN
Diktblomar til Olav H.
10. klasse i Eidfjord, Granvin, Ulvik og Voss har hatt skriveverkstad med forfattar og poet Ruth Lillegraven. Dei har skrive dikt basert på Hauge og Lillegraven sine dikt. Elevar framfører eigne dikt ved bautaen over Olav H. Hauge si dikting.
13. september
kl. 09.00 og 10.20
BRAKANES SKULE
Moldskred vitjar Brakanes skule og fortel frå boka til 5–7 trinn ved Brakanes barne- og ungdomsskule, og Granvin barne- og ungdomsskule.
Lukka arrangement.
13. september
kl. 12.00
HAUGESENTERET
Korleis kan me forstå tittelen På Ørnetuva? Og korleis kan dikt som «Til eit Astrup-bilete» og «Kom ikkje med heile sanningi» verta tolka? Gjennom tre ulike seminarinnlegg vert me betre kjende med diktsamlinga som er tema for årets Poesifestival.
13. september
kl. 13.00
OMSORGSTUNET
I denne stunda her i Ulvik les Ruth Lillegraven både eigne dikt og Olav H. Hauge-dikt – dei fleste med røtene godt planta i den grøderike jorda i Indre Hardanger.
13. september
kl. 14.30
HAUGESENTERET
Me inviterer til boklansering for den ferske Hauge-antologien Her må då ordi koma. Nye lesingar i Olav H. Hauges dikting. Redaktørane Stein Arnold Hevrøy, Ole Karlsen, Ingrid Nielsen og Fredrik Parelius vil med denne antologien stimulera til nye inngangar og spørsmål i møte med ein av Noregs rikaste forfattarskapar.
13. september
kl. 15.30
GULEBYGNINGEN, FAGSKULEN VESTLAND
Har du ein hage og eit bibliotek, ja, då kan du drøyma! Med utgangspunkt i Olav H. Hauges «Hjeltnes-dikt» vil Ole Karlsen kåsera om forholdet mellom hagearbeid, dikting og draum.
13. september
kl. 16.30
FESTIVALKROA I ELVATUN
Poetane Erlend O. Nødtvedt og Anna Kleiva ber oss lyfta glaset og ta ein skål for poesifesten som no er i gang her inst i Hardangerfjorden!
13. september
kl. 18.00
KONGRESSEN
Opningstale ved kultur- og likestillingsminister Lubna Jaffery. Lesing ved festivalpoetane Cecilie Løveid, Gunnar Wærness, Gabriel Itkes-Sznap og Brynja Hjálmsdóttir. Utdeling av Haugestipendet 2024. Musikalsk innslag ved Kenneth Lien.
13. september
kl. 19.30
KONGRESSEN
Årets tingingsverk er ved Haugestipendvinnar Priya Bains og musikar og komponist Mira Thiruchelvam. Priya Bains og Mira Thiruchelvam framfører eit dystopisk dikt- og lydverk om sommarens hetebylgjer, oljens urgamle tid og mennesket i krise.
13. september
kl. 20.30
ELVATUN
Ævestaden sameinar gamle salmar og folketonar med moderne elektronisk knitring. Poesifestivalen ser fram til ein konsert der tida står bitte litt stille, i bygda si storstove Elvatun.
13. september
kl. 22.00
KONGRESSEN
Ei musikalsk hylling av den store songlyrikaren Joni Mitchell med gjendiktingar av Frode Grytten, Agnes Ravatn, Linda Eide, Marit Eikemo og Ragnar Hovland.
13. september
kl. 23.00
ELVATUN
Duoen vart kjende for mange i NRK-serien Trollstemt, som del av ei nyskapande bylgje i folkemusikken, og tok nyleg imot Folkelarmprisen for plata Snu hver stein. I sneakers eller bunadssko: dansegolvet på Elvatun er verkeleg plassen å vera denne kvelden.
14. september
kl. 10.00
ELVATUN
I Haugesamtalen 2024 samtalar Erlend O. Nødtvedt og Ingrid Nielsen om tradisjon og litterære slektstre, draum og forstokking, ljod og meining.
14. september
kl. 11.30
ELVATUN
I dette føredraget vil Stengrundet utforska tankar om framtida i På Ørnetuva: Kva byr framtida på for poeten, for forfattarskapet og for lyrikken?
14. september
kl. 12.00
ULVIK FOLKEBIBLIOTEK
I skogen er det mange dyr og ville vekstar. Nokre lagar lydar du kan høyra, medan andre snakkar på anna vis. Både tre, maur, blomar og dyr bur der. Kanskje er det fleire som bur der enn i byen. Alle har dei eit eige språk, men kan dei forstå kvarandre?
14. september
kl. 13.00
YPPAL MAT & DRYKK
Vinnaren av årets Haugestipend fortel litt om eiga skriving og korleis skrivinga starta, i samtale med Pedro Carmona-Alvarez. Vinnaren vil også lesa frå diktsamlingane sine.
14. september
kl. 13.00
LEKVE GARD
Korleis les poetane Mona Høvring og Ida Hove Solberg dette Hauge-diktet inn mot eigne dikt? Med dette diktet som utgangspunkt vil dei to poetane velja ut dikt frå eigne samlingar som dei vil lesa for publikum.
14. september
kl. 13.30
ROSSVOLL
Ein konsert med John Ole Morken, Berit Opheim, Irene Tillung og Lajla Buer Storli. Her får du oppleva Olav H. Hauge sine dikt tolka av fire av våre kjære folkemusikarar.
Venelaget Olav H. Hauge er arrangør.
14. september
kl. 14.30
SYSE GARD
På Ørnetuva kom ut i 1961 og vert rekna som det store gjennombrotet til Olav H. Hauge. Anna Kleiva las Hauge–samlinga Janglestrå under Poesifestivalen i 2021. Det var ei sjeldan flott oppleving, og me er difor svært glade for å ha med Kleiva og hennar klare leserøyst.
14. september
kl. 15.00
HAUGESENTERET
Ny bok frå Samlaget med dei to store diktarane frå Hardanger. Det er klart det må verta bokfest i Haugesenteret av slikt!
14. september
kl. 15.00
KONGRESSEN
Systerspel er ei framsyning om spelekvinner. Å spela fele var for menn, har mange alltid trudd. Benedicte har dei siste åra stått på mange scener rundt om i verda. No er me svært glad for at ho tek turen heim til Hardanger og til Poesifestivalen!
14. september
kl. 15.30
LEKVE GARD
Studentar frå Skrivekunstakademiet i Bergen les frå skrivebøkene sine. Akademileiar og forfattar Sivert N. Nesbø losar oss gjennom og presenterer dei unge lovande til eit nysgjerrig festivalpublikum.
14. september
kl. 17.00
YPPAL MAT & DRYKK
Poesifestivalen er glad for å få naboar frå vest på besøk, og for at me får høyra kvada deira tala på det islandske målet – eit språk som Hauge sjølv sette høgt, og beklaga seg over at han aldri lærte seg.
14. september
kl. 17.00 og 17.30
HAUGESENTERET
Leika leiken er eit høyrespel av Jon Fosse frå 2022, produsert på bestilling frå Bergen internasjonale litteraturfestival. Lese av skodespelarane Bjarte Hjelmeland og Hermine Svortevik Oen, lydsett av Øyvind Valderhaug, regi av Kai Johnsen.
14. september
kl. 20.00
ELVATUN
Opplev årets festivalpoetar i fri dressur denne kvelden, der lyrikken får falda seg ut i full høgde og breidde. Me feirar orda og språka, fantasien og sanninga, tankane og røystene, når Poesifestivalen inviterer til ein festkveld i poesien sitt namn.
14. september
kl. 22.00
KONGRESSEN
Stein Torleif Bjella er musikaren og rimsmeden frå Hallingdal som skildrar Bygde-Noreg med melankoli og humor. Bjella skriv om det håplause, om det å feila, om eit sinn som er svartare enn svart. Livet vert ikkje betre, det er berre den gamle månen der oppe, nymåne eller ei.
14. september
kl. 23.00
ELVATUN
Det er duka for ein skikkeleg elektronisk rytmekveld i Elvatun, der DJ Sissyfus vil snurra oss lukkelege inn i laurdagsnatta. La kroppen fylgja straumen, la tankane flyta, grip ein annan og slepp deg laus. Som Hauge skreiv: «Slik kan det glyggja upp ein kveld og verta otte og under og eld»!
15. september
kl. 11.00
ULVIK KYRKJE
«I æva kan ingenting endrast» er ei folkemusikkmesse med lyrikk og musikk som omdreiingspunkt. Poet Ruth Lillegraven vil lesa utvalde dikt frå samlinga Sigd (2016). Rannveig Djønne har komponert all liturgisk musikk til Folkemusikkmessa frå Hardanger som har vore nytta i mest alle kyrkjer i Hardanger og andre stader i landet etter premiera i 2012.
15. september
kl. 11.00
ELVATUN
Poetane Gunnar Wærness og Ida Hove Solberg har begge ei sterk forankring i gjendiktingsarbeid. Korleis ser dei to poetane på gjendiktingsarbeidet? Kva faktorar påverkar korleis dei vel ut verk til gjendikting? På kva måtar heng dette arbeidet saman med deira eiga skriving? Samtaleleiar er poet og gjendiktar Anna Kleiva.
15. september
kl. 12.30
HOLMEN KULTURPARK
Mona Høvring les frå diktsamlinga Himlene glitrer og Ingrid Nielsen frå diktsamlinga Den andre Jakobsstigen.
15. september
kl. 14.00
ELVATUN
«Det blå landet» er ein konsert med dikt av Hans Børli og Olav H. Hauge og med ny musikk av Sinikka Langeland og Knut Hamre. I musikken har dei lete seg inspirera av korleis folkemusikken i Hardanger og på Finnskogen er ein del av bakteppet for diktinga.