Nigun
Erscheinungsbild
Der Artikl is im Dialekt Weanarisch gschriem worn. |
![Note de musique](https://cdn.statically.io/img/upload.wikimedia.org/wikipedia/commons/thumb/9/96/Musical_note_nicu_bucule_01.svg/100px-Musical_note_nicu_bucule_01.svg.png)
![Magen David](https://cdn.statically.io/img/upload.wikimedia.org/wikipedia/commons/thumb/4/49/Star_of_David.svg/100px-Star_of_David.svg.png)
Nigun (pl. Nigunim; hebräisch ניגון; gsummte Melodie) is in da jidischn Tradition a vüüseitiga Begriff. In da Regl is damit a woatlosa Gruppngsaung in da Synagogn gmaant.[1] Des haaßt es wiad entweda gsummt oda mit bedeitungslosn Sübn gsunga, „la - la - la“, „na - na - na“ oda Ähnligs. Maungmoi wiad owa aa a Biblvers, a Gebet oda a Zitat imma wieda wiedahoit ois Nigun gsunga. Niggunim hom an weitgehend improvisiatn Charakta und san in da Foam stilisiat. Se kennan a traurige (Lamento, Klogegebet) oda a lustige Stimmung vamittln. Chassidische und kabbalistische Nigunim san a Ausdruck fia jidische Mystik, se schoffn a intensive Vabindung mit Gott.
Hava Nagila woa uaspringlich a Nigun, wo eascht späda a Text dazuakumma is.