Lejioner roman
![](https://cdn.statically.io/img/upload.wikimedia.org/wikipedia/commons/thumb/a/a6/Roman_soldier_in_lorica_segmentata_1-cropped.jpg/220px-Roman_soldier_in_lorica_segmentata_1-cropped.jpg)
![](https://cdn.statically.io/img/upload.wikimedia.org/wikipedia/commons/thumb/1/1c/Roman_soldier_end_of_third_century_northern_province_-_cropped.jpg/220px-Roman_soldier_end_of_third_century_northern_province_-_cropped.jpg)
Al lejioner roman a oa ur soudard eus armeoù Roma gozh. En deroù e veze ur c'heodedad roman, dindan 45 bloaz, en em ganne war droad. Galvet e veze d'ar brezel keit ha ma veze ezhomm (e-pad mizioù tomm ar bloaz peurliesañ) hag e teue d'ar gêr ur wezh echu emgannoù ar bloavezh.
Graet e veze miles ("soldier") pe legionarius anezhañ e latin.
Pa zeuas an arme roman da vezañ un arme a vicher e lakae an dud o anv el lejion evit 25 bloaz. Skañvoc'h e veze o anezioù e-pad ar pemp bloavezh diwezhañ.
Pa veze o kerzhet war dachenn an enbourien e touge pep lejioner e harnez (lorica segmentata pe aliesoc'h al lorica hamata), e skoed (scutum), e dokarn (galae), daou speg (ur pilum pounner hag unan skañv), ur c'hleze berr (ar gladius), ur gontell (pugio), ur rumm sandalennoù pounner (ar C'haligae), ur pakad gant e aferioù (Sarcina), boued evit war-dro pevarzek devezh, ur sac'had-lêr gant dour, peadra da geginañ, daou beul (Sudes murale) evit sevel palisade, hag ur bal pe ur baner aozilh.