Pascal Rannou, ganet d'an 2vet a viz Meurzh 1958 e Laval, zo ur skrivagner hag ur skridvarnour gall. Kelenner skol-veur e Roazhon hag e Pariz eo bet. Arbennigour war al lennegezh Vreizh c'hallek eo. Sinañ a ra Paskal Rannou pa sav testennoù brezhonek.

Buhez[kemmañ | kemmañ ar vammenn]

E dad a oa maer Lokeored^[1]. Tapet en doa an agregadur war al lizhiri modern e 1991^[2] ken e yeas da vezañ kelenner-lise e Mezven (kêr), a-raok mont da vezañ karget a gentelioù e Skol-veur Roazhon 2 hag e Skol-veur Pariz da c'houde.
Souten a reas un dezenn war ar barzh Tristan Corbière evit mont da vezañ doktor war al Lennegezh. Ar Priz Henri Régnier roet gant an Akademiezh gall a ya da embannadur adwelet e labour. Savet en deus un oberenn bersonel : romantoù, danevelloù ha barzhonegoù, e galleg peurvuiañ.

Tost da Unvaniezh Demokratel Breizh eo bet ken e skrivas en he c'helaouenn, Le Peuple breton-Pobl Vreizh. Kemeret en doe perzh e emgavioù Begerel, aozet ganti e 2004.

 Lennegezhour, skridvarnour ha skrivagner [kemmañ | kemmañ ar vammenn]

Arbennigour war ar skrivagnerien a aparchant da Lennegezh Breizh c'hallek e talc'h Pascal Rannou d'e lakaat war wel en ur ginnig Tristan Corbière, Auguste de Villiers de L'Isle-Adam, Julien Gracq, Eugène Guillevic, Pêr-Jakez Heliaz^[3], Saint-Pol-Roux, Michel Mohrt hag all. Astenn a reas maezioù ar studi betek Jean-Loup Trassard, skrivagner mezvenad, ha Gustave Flaubert o veajiñ e Breizh.

Savet en deus arnodskridoù ha pennadoù war al lennegezh ha renet en deus embannadurioù a-stroll diwar-benn lennegezh Vreizh, unan war lennegez Vreizh e galleg hag unan all war lennegezh Vreizh e brezhoneg.

 Embannadennoù [kemmañ | kemmañ ar vammenn]

Arnodskridoù[kemmañ | kemmañ ar vammenn]

• Guillevic : du menhir au poème, Montroulez, Skol Vreizh, 1991.
• Visages de Tristan Corbière, Montroulez, Skol Vreizh, 1995.
• Inventaire d'un héritage, essai sur l'œuvre de Pierre-Jakez Hélias, An Here, 1997.
• Dictionnaire des écrivains bretons du XXe siècle, Marc Gontard (renerezh), Presses universitaires de Rennes, 2002.
• Pierre-Jakez Hélias : l'homme et l’œuvre, adembannadur adwelet hag hizivaet diwar Inventaire d'un héritage (1997), Gourin, Embann ar Menezioù Du, 2014.
• De Corbière à Tristan, Les Amours jaunes : une quête de l'identité, Honoré Champion, 2006. (ISBN 2745314823). Tezenn adwelet evit an embann. Priz Henri de Régnier (2007). Adembannet e 2019 (ISBN 978-2-7453-5303-0 ).

Oberennoù a-troll[kemmañ | kemmañ ar vammenn]

• La Littérature bretonne de langue française, kenrenerezh gant François Labbé, Philippe Walter, Thierry Glon, Alain-Gabriel Monot, Jean Balcou, Eugène Bérest, Yannick Pelletier, Hervé Carn, Jakeza Le Lay, Nathalie Caradec, Erwan Chartier & Maël Rannou, Gourin, Fouenant, Yoran Embanner, 466 p., 2020. (ISBN 978-2-36785-034-4)
• La Littérature en langue bretonne, kenrenerezh gant Cédric Choplin, Tristan Loarer & Myriam Guillevic, Gourin, Embann ar Menezioù Du, 2024. (ISBN 978-2-49469-31-11)

Teskad barzhonegoù[kemmañ | kemmañ ar vammenn]

• Les Trajectoires lumineuses, rakskrid gant Eugène Guillevic Brest, L'Authenticiste, 1996. Poèmes publiés dans les revues Arpa, Encres vives, Spered Gouezh, Ar Men.

Romantoù[kemmañ | kemmañ ar vammenn]

• Sentinelles de la mémoire, Coop Breizh 1999.
• Un Tyran du bocage, L'Harmattan, Pariz, 2002.
• Noire, la neige, Marsilha, Parenthèses, 2008.

Danevelloù brezhonek[kemmañ | kemmañ ar vammenn]

• Balthazar war dec'h (Balthazar ou l'ultime évasion), Al Liamm, niv. 415, Meurzh-Ebrel 2016.
• Ur Requiem e Breizh (troet diwar Un Requiem breton), Al Liamm, niv. 422, Mae 2017.
• Ur plac'h yaouank barzh ar gêr vras, Ya!, niv. 646, 27 a viz Here 2017.
• Hañmm-himm, Ya! niv. 659 ha 660, miz Genver 2018.
• Rock Land, Al Liamm, niv. 433, Meurzh-Ebrel 2019.

Notennoù ha daveennoù[kemmañ | kemmañ ar vammenn]