Ariel Ortega

Ariel Ortega

(2013)
Biografía
Nacemento	(es) Arnaldo Ariel Ortega 4 de marzo de 1974 (50 anos) Libertador General San Martín, Arxentina (pt)
Datos persoais
Outros nomes	El Burrito
País de nacionalidade	Arxentina
Altura	170 cm
Peso	64 kg
Actividade
Ocupación	futbolista
Período de actividade	14 de decembro de 1991 -
Lingua	Lingua castelá
Nacionalidade deportiva	Arxentina
Deporte	fútbol
Posición de xogo	Centrocampista e dianteiro
Traxectoria   Equipo 1991-1996 Club Atlético River Plate 134 (30) 1997-1998 Valencia CF 29 (9) 1998-1999 UC Sampdoria 27 (8) 1999-2000 Parma Calcio 1913 18 (3) 2000-2002 Club Atlético River Plate 56 (23) 2002-2003 Fenerbahçe 14 (5) 2004-2006 Club Atlético Newell's Old Boys 53 (11) 2006-2012 Club Atlético River Plate 82 (12) 2008-2009 →cesión a  Club Sportivo Independiente Rivadavia 25 (4) 2011-2011 →cesión a  Club Atlético All Boys (pt) 12 (0) 2011-2012 →cesión a  Club Atlético Defensores de Belgrano (pt) 27 (4)   Selección nacional 1993-2010   Arxentina 87 (16)
Participou en
2002	Mundial de Fútbol Corea/Xapón 2002
1998	Mundial de Fútbol Francia 1998
1996	Xogos Olímpicos de 1996
1994	Mundial de Fútbol Estados Unidos 1994

Ariel Arnaldo Ortega, máis coñecido como Burrito Ortega, nado o 4 de marzo de 1974 en Ledesma, Provincia de Jujuy (Arxentina) é un exfutbolista que xogaba nas demarcacións de centrocampista e dianteiro.

Formado nas categorías inferiores debutou co primeiro equipo de River Plate o 14 de decembro de 1991, facéndose rapidamente cun oco no primeiro equipo e chegando a formar unha das mellores dianteiras do momento xunto a Enzo Francescoli e Hernán Crespo.

En 1997 emigra a Europa fichado polo Valencia CF, porén as malas relacións co adestrador fan que so milite no equipo valenciano unha tempada, sendo traspasado ao UC Sampdoria onde tamén estivo só un ano, ao volver a River Plate no ano 2000.

Dous anos máis tarde foi traspasado ao Fenerbahçe SK, pero incumpriu o seu contrato e en 2003 volveu a Arxentina, polo que ante a denuncia do club turco foi inhabilitado para a competición oficial. Un ano despois o club arxentino CA Newell's Old Boys negociou co Fenerbahçe e conseguiu arranxar a situación e fichar ao xogador.

No ano 2006 volveu outra vez a River, alcanzando un gran nivel e sendo un dos mellores xogadores do país. O ano 2008 pasouno cedido no Independiente Rivadavia a causa de problemas persoais, ao cabo do mesmo volveu a Buenos Aires para volver saír cedido a All Boys en 2011. Unha vez finalizada a segunda cesión River Plate ofreceulle formar parte do equipo técnico pero declinou a oferta e xogou un último ano no Defensores de Belgrano da terceira división arxentina.

Foi convocado por primeira vez coa selección en 1993 nun encontro amigábel contra Alemaña. Nos seus 87 encontros coa selección disputou tres Mundiais: Estados Unidos 1994, Francia 1998 e Corea e o Xapón 2002.

Tras anos sen ser convocado, dende a suspensión da FIFA, en 2010 foi convocado polo por aquel entón adestrador do equipo Diego Armando Maradona, para xogar un último encontro coa selección.

Título	Club	País	Ano
Torneo Apertura	River Plate	Arxentina	1991
Torneo Apertura	River Plate	Arxentina	1993
Torneo Apertura	River Plate	Arxentina	1994
Torneo Apertura	River Plate	Arxentina	1996
Supercopa de Italia	Parma FC	Italia	1999
Torneo Clausura	River Plate	Arxentina	2002
Torneo Apertura	Newell's Old Boys	Arxentina	2004
Torneo Clausura	River Plate	Arxentina	2008

Título	Club	País	Ano
Copa Libertadores	River Plate	Arxentina	1995

• Estadísticas do xogador coa selección na páxina da FIFA Arquivado 06 de xaneiro de 2014 en Wayback Machine. (en inglés)
• Estadísticas do xogador en competición oficial (en castelán)
• Traxectoria do futbolista (en inglés)