Kike Saverio
  | |||||||||||||||||||||||||||||||||||
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 19 de xuño de 1999 (25 anos) Xénova, Italia | ||||||||||||||||||||||||||||||||||
| Datos persoais | |||||||||||||||||||||||||||||||||||
| País de nacionalidade | Ecuador España | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Lingua | Lingua castelá | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||
| |||||||||||||||||||||||||||||||||||
  | |||||||||||||||||||||||||||||||||||
Javier Enrique Delgado Saverio, coñecido como Kike Saverio, nado en Xénova o 19 de xuño de 1999, é un futbolista que xoga como extremo esquerdo no Aris Salónica, da Super Liga de Grecia. Conta con tripla nacionalidade (italiana, ecuatoriana e española).
Traxectoria
[editar | editar a fonte]Barcelona
[editar | editar a fonte]Nacido en Xénova de pais ecuatorianos,[1] ao pouco tempo trasladouse coa súa familia á cidade ecuatoriana de Balzar, antes de mudarse aos cinco anos a Barcelona.[2] Tras xogar nas categorías inferiores do Cornellà, en 2015 ingresou na canteira do FC Barcelona.[3] Comezou no xuvenil B adestrado polo galego Quique Álvarez e na tempada 2017/18 pasou ao xuvenil A, co que gañou a División de Honra e a Liga Xuvenil da UEFA aínda que perdeu boa parte de ambas competicións por unha lesión muscular de longa duración.[2] Ao remate desa mesma campaña renovou o seu contrato co club ata 2020, cunha cláusula de rescisión de 50 millóns de euros.[4]
Na tempada 2018/19 subiu ao Barcelona B, que militaba na Segunda División B, categoría na que debutou no partido da primeira xornada contra o Alcoyano, entrando na segunda metade como substituto de Ballou Tabla.[5] Axiña se asentou na banda esquerda titular do equipo, ata que unha rotura do tendón do bíceps femoral cortou a súa progresión, afastándoo dos terreos de xogo durante catro meses.[2][6] Pechou a súa primeira tempada no filial cun total de 15 partidos e un gol, que conseguiu diante do Olot.[7]
Na súa segunda tempada no filial dirixido por García Pimienta xogou 22 encontros, nos que marcou cinco goles, e foi convocado por Quique Setién para un partido do primeiro equipo, co que non chegou a debutar. O 30 de xuño de 2020 deixou o club catalán, ao rematar o seu contrato.[8]
Osasuna
[editar | editar a fonte]O 16 de setembro de 2020 asinou un contrato de tres anos con Osasuna, sendo inicialmente asignado ao filial, tamén da Segunda B.[9] Disputou un só partido co Promesas, diante do Tudelano,[10] mentres que no resto de xornadas foi convocado co primeiro equipo. Debutou con este o 15 de decembro, nun partido da Copa do Rei fronte ao Tomares, no que marcou un dos seis goles do seu equipo (0-6).[11] Participou tamén no encontro da seguinte rolda de Copa, contra o Olot.
Cesión ao Andorra
[editar | editar a fonte]O 1 de febreiro de 2021 anunciouse a súa cesión ao FC Andorra, equipo da Segunda B.[12] Co equipo dirixido por Eder Sarabia disputou un total de 12 partidos ata o remate da campaña, 8 deles como titular, e anotou un gol ante o Nàstic.
Cesión á Ponferradina
[editar | editar a fonte]Na tempada 2021/22 xogou cedido na Ponferradina, da Segunda División.[13] Debutou na categoría na segunda xornada, substituíndo ao dianteiro José Naranjo na vitoria por 0-1 sobre o Eibar en Ipurua.[14] Disputou un total de 32 partidos co equipo do Bierzo, 11 deles como titular, ata que na antepenúltima xornada de liga, na que marcou un gol contra o Burgos, caeu gravemente lesionado, ao sufrir a rotura do tendón de Aquiles.[15]
Deportivo da Coruña
[editar | editar a fonte]En xaneiro de 2023 asinou contrato polo Deportivo da Coruña, da Primeira División RFEF.[16] Disputou 15 partidos co club galego, saíndo habitualmente dende o banco, e marcou dous goles.[17] Ao remate da tempada, e aínda cun ano de contrato por diante, desvencellouse do club e puxo rumbo á Superliga de Grecia como novo xogador do Aris Salónica.[18]
Selección nacional
[editar | editar a fonte]Elixible para representar a Italia, Ecuador e España, elixiu inicialmente este último país, debutando coa selección española sub-19 o 14 de novembro de 2017, nunha derrota por 1-2 ante Portugal. En 2019 foi convocado pola selección sub-20 de Ecuador para adestrar antes da Copa do Mundo sub-20 de 2019,[19] pero non formou parte do equipo na fase final.
Palmarés
[editar | editar a fonte]Barcelona Xuvenil
- División de Honra (1): 2017/18.
- Liga Xuvenil da UEFA (1): 2017/18.
Notas
[editar | editar a fonte]- ↑ "¿Kike Saverio hace un guiño a la Selección de Ecuador?" (en castelán). 10 de febreiro de 2020. Consultado o 21 de xaneiro de 2023.
- ↑ 2,0 2,1 2,2 Navarro, Alicia (25 de setembro de 2019). "Promesas de La Masía: Kike Saverio, acordes de bailarín" (en castelán). Consultado o 24 de xaneiro de 2023.
- ↑ Bona, German (14 de outubro de 2019). "Kike Saverio, el héroe silencioso del Barça B" (en castelán). Consultado o 21 de xaneiro de 2023.
- ↑ "Kike Saverio renueva hasta el 2020" (en castelán). 12 de xullo de 2018. Consultado o 24 de xaneiro de 2023.
- ↑ "CD Alcoyano 3-1 FC Barcelona B: Losing start to Division 2B" (en inglés). 26 de agosto de 2018. Consultado o 24 de xaneiro de 2023.
- ↑ Bona, German (16 de outubro de 2018). "Kike Saverio pasará por el quirófano y estará cuatro meses de baja" (en castelán). Consultado o 24 de xaneiro de 2023.
- ↑ "Barça B 2-1 UE Olot: First win in the Miniestadi" (en inglés). 29 de setembro de 2018. Consultado o 24 de xaneiro de 2023.
- ↑ "Chumi, Kike Saverio, Sergi Puig y Guillem no continúan en el Barça B" (en castelán). 30 de xuño de 2020. Consultado o 24 de xaneiro de 2023.
- ↑ "Osasuna Promesas refuerza su plantilla con las incorporaciones de Kike Saverio, Joel Rodríguez, José Carlos Aliaga y Dani Santafé" (en castelán). 16 de setembro de 2020. Arquivado dende o orixinal o 21 de xaneiro de 2023. Consultado o 24 de xaneiro de 2023.
- ↑ "Osasuna Promesas cede ante el Tudelano (0-2)" (en castelán). 25 de outubro de 2020. Arquivado dende o orixinal o 21 de xaneiro de 2023. Consultado o 24 de xaneiro de 2023.
- ↑ "Debut con gol de Saverio con el primer equipo de Osasuna" (en castelán). 16 de decembro de 2020. Consultado o 24 de xaneiro de 2023.
- ↑ "El ecuatoriano Kike Saverio se marcha al Andorra, de la tercera categoría del fútbol de España" (en castelán). 1 de febreiro de 2021. Consultado o 24 de xaneiro de 2023.
- ↑ "El extremo Kike Saverio se incorpora a la SD Ponferradina" (en castelán). 28 de xullo de 2021. Arquivado dende o orixinal o 21 de xaneiro de 2023. Consultado o 24 de xaneiro de 2023.
- ↑ "La Ponferradina asalta Ipurua". Marca (en castelán). 22 de agosto de 2021. Consultado o 24 de xaneiro de 2023.
- ↑ "Gol y grave lesión para Kike Saverio, cedido por Osasuna en la Ponferradina" (en castelán). 9 de maio de 2022. Consultado o 24 de xaneiro de 2023.
- ↑ "Kike Saverio, novo xogador do Dépor 22-23". 22 de xaneiro de 2023. Consultado o 25 de xaneiro de 2023.
- ↑ Zautúa, Israel (30 de xuño de 2023). "Análisis de la plantilla: 11. Gorka y Saverio, limitadas opciones de exhibirse". DxT Campeón (en castelán). Consultado o 15 de agosto de 2023.
- ↑ Regueiro, Zeltia (1 de xullo de 2023). "Kike Saverio se va gratis del Depor". DxT Campeón (en castelán). Consultado o 15 de agosto de 2023.
- ↑ Paredes, David (24 de marzo de 2019). "Kike Saverio llegó del Barça a la Selección Sub 20" (en castelán). Arquivado dende o orixinal o 21 de xaneiro de 2023. Consultado o 24 de xaneiro de 2023.
