Isem n Abdelkrim sliɣ-yis di tejmaât n taddart nneɣ.
D tajmaât nni nneɣ i d aɣerbaz amezwaru deg lemdeɣ tamussni
n imeqranen. Di tazwara n 1970, ţţfeɣ-d awalen i yellan ass-n ger
wid iqqimen din. Dd’ Ameqran yella iḥekku-d tadyant n tôad n Rif,
amek innuɣ Abdelkrim mgal tamurt n Sbanya akked Fôansa
2
,
amek Abdelkrim ihudd di yal iɣrem tixibbutin
3
nni yellan nnig
yexxamen nsen anda d-ttɣimin i tyita ubaôud gar-asen. Dd’
Ameqran yunag ɣer Paris deffir 1930 , yufa din di luzin tadyant n
tnekra n Rif, tella deg wawal ger ixeddamen n Fôansa akked wid
n Meôôuk d Lezzayer.
Timlilit tis snat n yisem n Abdelkrim tella-d di Paris, ass-mi d-iɣli
ger ifassen-iw udlis nni « Abdelkrim et la République du Rif »
4
. D
adlis i d-iffɣen di 1976. Ayen yuran deg udlis nni d ayen sawlen
imussnawen di temlilit n 1973 di tesdawt n Paris VIII, Vincennes,
ilmend umulli n 50 iseggasen seg-mi tlul Tagduda n Arif di 1923.
Adlis nni yekkes-iyi fad s wayen lemdeɣ ɣef tnekra n Arif, amek
tenti, amek tedda, amek tennerna d wamek teṛṛeẓ deg wammas
send ad tefk tirkelt. « Republik n Arif » nni tban-iyi-d imir am
tifeîîiwejt nni iteddun deg igenni, texsi send ad tessiɣ tafat-is i
tegnewt.
|