Chambro di la Ne-nobeli
La Chambro di la Ne-nobeli (en l'Angla: House of Commons; basa chambro) esas la maxim importanta chambro di la Britaniana parlamento, qua esas bichambra. L'altra chambro esas la Pero-chambro.
La Chambro di la Ne-nobeli fondesis en 1706. Ol havas 650 membri. Vinkanto di distrikto (voto per majoritato) divenas membro di la Chambro di la Ne-nobeli. La membri di la Chambro di la Ne-nobeli kunvenas en la Palaco di Westminster.
Voto[redaktar | redaktar fonto]
La prezidanto di la Chambro ("Speaker") demandas a la membri ka li esas por ("aye") o kontre ("no") la propozo. La prezidanto sondas kad esas majoritato por por o kontre. Se ne esas klara, la prezidanto klamas "dividez". La membri di la Chambro devas selektar un de la vestibuli sinistre (l'opozanti) o dextre (la favoranti) de la prezidanto. Du minuti pos eniro di la membri la prezidanto selektas po vestibulo du opozanti e du favoranti qui devas kontar la membri en lia vestibulo. Pos exakte ok minuti la prezidanto klamas "klozez la pordi", por donar tempo a la quar kontanti kontar la nombro de membri en lia vestibuli. Pos konto di la membri po vestibuli, la kontanti pozas su duope sinistre e dextre avan la prezidanto e dicas a lu la nombro de membri en la vestibuli. Se la favoranti esas majoritato, la prezidanto klamas "the aye's have it" (le yes vinkis) o se l'opozanti vinkis "the no's have it" (le no vinkis). Pos la raporto di la voti a la prezidanto, la prezidanto klamas "desklozez", pos qua la vestibuli apertesas.