Pyngo
![](https://cdn.statically.io/img/upload.wikimedia.org/wikipedia/commons/thumb/8/85/Pingos_near_Tuk.jpg/220px-Pingos_near_Tuk.jpg)
![](https://cdn.statically.io/img/upload.wikimedia.org/wikipedia/commons/thumb/6/61/Melting_pingo_wedge_ice.jpg/220px-Melting_pingo_wedge_ice.jpg)
Krug a rew gorherys gans gweres yw pyngo (pingo yn Sowsnek hag yn Kembrek ynwedh) a gevys yn ranndirow Arktek, isarktek hag Antarktek. Y hyllons bos mar veur avel 2 km a-dreus gans ughelder a 70m. Styr an hanow yw bre isel y'n yeth Inuit. Tirfurv amalrewlyvel yw pyngo.
Onan a'n ranndirow gans an moyha niver a byngoyow war an Norvys yw Tuktoyaktuk yn Delta Mackenzie, Tiredhow an Gledh-West, Kanada. Yma a-dro dhe 1,300 anedha ena. Yma lower yn Alaska, Greunland, hag Enys Spitsbergen yn Norwy ynwedh. Yma remenans a byngoyow koth y'n Iseldiryow, ryb Zwaagwesteinde yn ranndir Fryslân, hag yn ranndirow Drenthe ha Groningen.
![Dew bingo](https://cdn.statically.io/img/upload.wikimedia.org/wikipedia/commons/thumb/2/20/Two_pingos_-_geograph.org.uk_-_1494809.jpg/220px-Two_pingos_-_geograph.org.uk_-_1494809.jpg)
Yma ensamplow y'n Ruvanieth Unys ynwedh, yn arbennek yn Norfolk ha Kembra West.
Furvyes yw pyngoyow pan wrello dowr y'n gweres rewi. Y trehav an gweres dhe wul bre gans kolon a rew. Pan deudho an rew, gesys yw pans yn y le.
Yma'n erthygel ma owth usya an Furv Skrifys Savonek a-barth Kernowek kres.