Jean Braun
| Jean Braun | |
|---|---|
| Gebuer |
2. August 1892 Réiser |
| Gestuerwen |
28. Dezember 1977 Réiser |
| Nationalitéit | Lëtzebuerg |
| Aktivitéit | Bauer, Lokalpolitiker |
 | |
De Jean Braun, gebuer den 2. August 1892 zu Réiser, an och do gestuerwen den 28. Dezember 1977, war e lëtzebuergesche Bauer a Lokalpolitiker.
De Jean Braun koum zu Réiser am Bauerebetrib A Jhangen an der Groussstrooss op d'Welt, wou hien och säi Liewe laang Bauer gespillt huet. Als Lokalpolitiker war hien am Gemengerot vu Réiser, wou hien 1967 beim stënterlechen Doud vum Buergermeeschter Alex Federspil Schäffe war. Sou koum et, datt hien den 1. Januar 1968 Buergermeeschter gouf an dat du bis den 31. Dezember 1969 blouf. Bei de Gemengewale vun 1969 war hien net méi Kandidat.
Fir un hien z'erënnere gouf zu Krautem d'Rue Jean Braun no him genannt.