Triceratops var ein stor, planteetande dinosaur med horn. Han levde for omtrent 66 millionar år sidan og er no utdøydd.
Det tydelegaste kjenneteiknet var ein stor krage av bein bak på hovudet på dyra. Dei hadde òg eitt horn på snuten, og to i panna.
Ein kunstnar har teikna korleis Triceratops og landskapet dei levde i kan ha set ut. Av Alberto Andrei Rosu/Shutterstock.
Avgrensa gjenbruk
Triceratops
Modell av skjelettet til Triceratops utstilt i Los Angeles Museum of Natural History, USA.
Beskrivelse
Triceratopsane blei omtrent åtte meter lang. Dei hadde ganske kort hale og fire store føter. Dei kunne bli nesten tre meter høge.
Dyra hadde eit veldig stort hovud med to lange, spisse horn over auga og eit mindre horn fremst på snuten. Bakarst på hovudet hadde dei ein stor krage av bein.
I staden for fortenner hadde Triceratops nebb. Inne i munnen hadde dei nesten 600 tenner på innsida av kinna.
Hjernen var ganske liten, men forskarar trur at Triceratops hadde god luktesans og kontroll på rørslene. Auga peika utover til sidene.
Det er ikkje funne heile skjelett av Triceratops. Forskarar veit heller ikkje korleis huda deira var.
Levevis
Forskarar trur dei åt små, blomstrande tre. Tennene blei fort slitt. Det var fordi overkjeven og underkjeven bevega seg nesten som ei saks når dei togg.
Funn
Triceratops levde samtidig med mellom anna Tyrannosaurus. Fossil er funne i Canada og fleire stader i Nord-Amerika.
