Forze de Defesa de Israell
![]() |
Quest articol chì l'è scrivud in lombard, con la Noeuva Ortografia Lombarda |
![](https://cdn.statically.io/img/upload.wikimedia.org/wikipedia/commons/thumb/d/de/Flag_of_the_Israel_Defense_Forces.svg/220px-Flag_of_the_Israel_Defense_Forces.svg.png)
I Forze de Defesa de Israell (צבא ההגנה לישראל in ebraich, despess ciamade cont el nom ingles de Israel Defence Forces) a inn i forze armade del Stat de Israell. Fondade in del 1948 per garantì la sigurezza e l'integrità territorial del Pajes, a l'era l'union di milizzie sgiudee pussee important de l'epoca e l'è, al dì d'incoeu, una forza assee specializzada e che la gh'ha la coscrizzion, sia di omen che di done. La gh'ha circa 175'000 soldad ativ e 445'000 reservista.
Israell a l'è cognossud per la soa industria de la defesa e donca l'IDF la gh'ha tanc de armament nazzional, compagn del carr armad Merkava, el veicol de straport Namer, el sistema anti-missil Cupola de Ferr, i missil Python, Flizza, Spike e Jericho.
A inn partide in Zro'a Ha-Yabasha (armada), Heyl Ha'Avir (aeronautega), Heil HaYam HaYisraeli (marina militar) e Aman (servizzi secret).
Ligam de foeura[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Forze de Defesa de Israel