Louise Mensch
.jpeg)
Louise Daphne Mensch, nascuda Louise Bagshawe (Westminster, Londres, 28 de junh de 1971) es una jornalista e anciana politiciana anglesa. Foguèt membre del Parlament Britanic de la circonscripcion de Corby pel partit conservador de 2010 a 2012.
Installada als Estats Units dempuèi 2012, es actualament amb l'analista e istorian John Schindler e Claude Taylor, una de las personalitats mai influentas sus Twitter que denóncian e revelan la dimension del Kremlingate. Participèt a la revista electronica Heat Street fins a decembre de 2016 e lancèt posteriorament un blòg Patribotics que denóncia l'influéncia russa dins la vida politica americana e tanben dins lo Brexit.