Henry van de Velde

Henry van de Velde
Henry van de Velde; laráwan néng Nicola Perscheid (1904)
Mibait	3 ya ing Abril 1863 Antwerp, Bélgica
Mete	15 ya ing Octubre 1957 (edad 94) Oberägeri, Suiza
Kapanintunan/propesion	Arquitectu
Asawa	Maria Sèthe (m. 1894)

I Henry Clemens van de Velde (3 ya ing Abril 1863 – 15 ya ing Octubre 1957) métung yang Belgang (Belgian) pintor, arquitectu, interior designer, ampóng teóricong pangkalalangan (art theorist). Íla ri Victor Horta ampóng Paul Hankar ing tutúring dang mitatag king Art Nouveau king Bélgica (Belgium). Megobra ya king Paris kayabe nang Siegfried Bing, ing mítátag king múmúnang pitindayágan (gallery) ning Art Nouveau king Paris. Atiu king Alemania i Van de Velde anyang pékamaulagá nang dáké ning kayang carera, at maulagá yang figura king Jugendstil ning Alemania. Maragul ing influencia na king arquitectura ampong diseniu king Alemania anyang umpisa ning kadwang púlung siglu.