Священная история Ветхого завета (мокшень)/О/14

Саррать куломда меле, колма кизонь ётазь, Авраамсь арьсесь Исаакть ърьвяяфтом��. Ърьвянь симоме сон кучезе роботнеконц Месопотамияв эсь раднянцти. Работнекыц симозе тоса Исаакти Вафуилонь стиренц, Ревеккань. Вафуилсь Авраамонди араль брадонь цёра. Ърьвяямда меля, комсь кизонь ётазь, Ревеккась шачфтсь кафтасть: Исавть дъ Иаковть. Коста синь кассть, Исавсь арась охотнекокс^[1], а Иаковсь кармась кудонь тевонь тиендеме. Исавонь сяда кельголезе аляц, а Иаковонь тядяц. Исавсь оцю брацель, а Иаковсь ёмлась. Исавсь мизе оцю шинц Иаковти. Ся тевсь вага кодаль: весть Исавсь шиньберьф якась паксява дъ мезевок ашезь кунда; сизефста дъ вачеда сон сась куду. Кудса сон няезе, Иаковсь ярхцай сявицень шонгарямда. Исавсь анась Иаковть кядьста шонгарям. Иаковсь мярьгсь теенза: макск теень оцю шицень, эста мон максан теть шонгарям. Исав мярьгсь: месендян мон оцю шизень мархта, къда вачеда кулан; сявк, къда эряви. Иаковсь максозе шонгарямонц, а вастозонза сявозе Исавть оцю шинц.