Kerberi
Ky artikull nuk citon asnjë burim, prandaj mund të mos jetë i saktë. |
![](https://cdn.statically.io/img/upload.wikimedia.org/wikipedia/commons/thumb/f/f1/KTH_Kerberos.jpg/200px-KTH_Kerberos.jpg)
![](https://cdn.statically.io/img/upload.wikimedia.org/wikipedia/commons/thumb/2/25/Cerberus-Blake.jpeg/220px-Cerberus-Blake.jpeg)
![](https://cdn.statically.io/img/upload.wikimedia.org/wikipedia/commons/thumb/6/64/Hades.png/220px-Hades.png)
![](https://cdn.statically.io/img/upload.wikimedia.org/wikipedia/commons/thumb/1/1a/Herakles_Kerberos_Eurystheus_Louvre_E701.jpg/220px-Herakles_Kerberos_Eurystheus_Louvre_E701.jpg)
![](https://cdn.statically.io/img/upload.wikimedia.org/wikipedia/commons/thumb/4/43/Cerbere.jpg/220px-Cerbere.jpg)
![](https://cdn.statically.io/img/upload.wikimedia.org/wikipedia/commons/thumb/1/18/12th_labour_of_Heracles_-_Project_Gutenberg_eText_19119.png/220px-12th_labour_of_Heracles_-_Project_Gutenberg_eText_19119.png)
Kerberi (greqisht: Κέρβερος, Latin: Cerberus) - qeni i botës nëntokësore, i biri i viganit Tifon njëqindkrerësh dhe i Ehidnës gjysmëgrua - gjysmëgjarpër.
Ka pasur tri koka, rreth qafës i mbështilleshin gjarpërinjtë, ndërsa bishti përfundonte me kokën e gjarpërit. Pamja e tij e tmerrshme përputhej shkëlqyeshëm me funksionin që e ka pasur në Had, në perandorinë nëntokësore. Ka qenë rojtar i rreptë në hyrjen e tij edhe më i ashpër në daljen e tij. Të vdekurit i lëshonte në të me mirësi, por jashtë nuk e lëshonte askend. Për nga vigjilenca e tij e rojtarit dhe detyra mbeti si proverb. Mirëpo, nganjëherë i ndodhte që ndonjëri ta mashtrojë. Vetëm një herë është gjetur jashta nëntokës, në dritën e ditës: atëherë kur Herakliu e sjell me urdhër të Euristeut në Mikenë. Vëllazërit e tij ishin luani i Nemeut dhe qeni dykrerësh i Ortit të shëmtuar, ndërsa motrat Hidra e Lernisë, Sfinga e Tebës dhe Himera.
Kerberi nuk mungon në asnjë pikturë të perandorisë nëntokësore të Hadit. Përafërsisht janë ruajtur njëzet piktura në vazat në të cilat është Kerberi me Herakliun. Piktura më e famshme është ndoshta ajo në vazat e Italisë së Jugut ku paraqitet Perandoria e botës nëntokësore e Hadit për nga koha rreth vitit 340 para e.s., (gjendet në Muzeun Popullor në Napoli) dhe Euristeu, Herakliu dhe Kerberi e viteve 530-520 para e.s. dhe gjendet në Luvër të Parisit.