Elinati shani: రాబోయే పదేళ్ళలో ఏ రాశుల మీద ఏలినాటి శని ప్రభావం ఉంటుంది? ఈ సమయంలో ఏం చేయకూడదు?

Elinati shani: శని సంచారంతో ఏలినాటి శని ప్రభావం కూడా మారుతుంది. అందుకే రాబోయే 10 ఏళ్లలో చూస్తే కొందరి సాడే సాటి ముగిసిపోతుంది, మరికొంతమందికి మొదలవుతుంది. శనిదేవుడు శిక్షకుడు. అతను మీ మంచి, చెడు పనుల ఫలాలను మీకు ఇస్తాడు.

ప్రతి వ్యక్తి జీవితంలో ఒక్కసారైనా శని మహాదశ, ఏలినాటి శని(సడే సతి), అర్థాష్టమ శని ప్రభావం ఎదుర్కోవాల్సి వస్తుంది. ప్రస్తుతం శని కుంభ రాశిలో సంచరిస్తోంది. సడే సతి ప్రభావం శని ప్రస్తుతం ఉంటున్న రాశి ముందు, వెనుక రాశుల మీద ప్రభావం చూపిస్తుంది. ఈ ఏడాది మొత్తం ఇదే రాశిలో ఉంటాడు. అందువల్ల మకర, కుంభ, మీన రాశులలో శని సడే సతి కొనసాగుతోంది. 2025 లో శని కుంభ రాశిని వీడి మీన రాశిలోకి వస్తాడు. అటువంటి స్థితిలో కుంభ, మీన, మేష రాశులలో శని సడే సతి ప్రారంభమవుతుంది.

రాబోయే పదేళ్ల గురించి మాట్లాడితే సమీకరణాలు పూర్తిగా మారిపోతాయని 2034లో సింహ రాశి వారిపై శని గ్రహం సడే సతీ 2034 జూలై 13 నుంచి ప్రారంభమై 2041 జనవరి 29 వరకు కొనసాగుతుంది. కన్యా రాశి వారికి ఏలినాటి శని ప్రభావం 27 ఆగస్టు 2036 నుండి ప్రారంభమై 12 డిసెంబర్ 2043న ముగుస్తుంది. తులా రాశి వారిపై శనిగ్రహం సడేసతి అక్టోబర్ 22 నుండి ప్రారంభమై డిసెంబర్ 08, 2046న ముగుస్తుంది.

ఏలినాటి శని అంటే ఏంటి?

శని దేవుడు ఏ రాశిలో రెండు, పన్నెండో ఇంట్లో నివసిస్తాడో ఆ రాశిపై ఏలినాటి శని ప్రభావం ప్రారంభమవుతుంది. అదేవిధంగా సడే సతి ప్రభావం మూడు దశలుగా ఉంటుంది. అవి ఒక్కొక్కటి రెండున్నర సంవత్సరాల మూడు దశలు ఉంటాయి. ఈ విధంగా ఏలినాటి శని పూర్తి కాలం ఏడున్నర సంవత్సరాలు.

మొదటి దశ చాలా కష్టంగా ఉంటుంది. ఇక రెండో దశలో ఆరోగ్యం, ధనానికి సంబంధించిన సమస్యలు ఉంటాయి. ఇక మూడో దశలో శని కోపం కొద్దిగా తక్కువగానే ఉంటుంది. జ్యోతిష్యశాస్త్రం ప్రకారం జాతకంలో ఏలినాటి శని నడుస్తున్నప్పుడు జాతకులు కొన్ని తప్పులు చేయకూడదు. లేదంటే శని అనుగ్రహం కోల్పోవాల్సి వస్తుంది. జీవితంలో ఇబ్బందికరమైన ఫలితాలు పొందుతారు.

ఏలినాటి సమయంలో ఏం చేయకూడదు?

ఏలినాటి శని ఉన్న వ్యక్తి మంగళ, శని వారాల్లో మాంసం, మద్యం సేవించకూడదు. అలాగే ఈ రోజుల్లో వస్త్రాలు, తోలుతో చేసిన వస్తువులు కొనుగోలు చేయకూడదు. ఈ సమయంలో అనవసరమైన చర్చలకు దూరంగా ఉండాలి. కోర్టు వ్యవహారాలకు దూరంగా ఉండటం మంచిది. ఇది మానసిక క్షోభను పెంచుతుంది.

ఈ సమయంలో మర్చిపోయి కూడా జంతువులు, పక్షులను హింసించకూడదు, వధించకూడదు. వాటి మాంసం తినడం చేయకూడదు. బదులుగా పక్షులకు, ఆకలితో ఉన్న జంతువులకు ఆహారం నీరు అందించడం వల్ల శని అనుగ్రహం లభిస్తుంది.

కోపాన్ని అదుపులో ఉంచుకోవాలి. ఎవరి మీద కోపం ప్రదర్శించడం, అసభ్యకరమైన పదజాలం ఉపయోగిస్తూ దూషించడం వంటివి చేయకూడదు. ఇంట్లో అందరినీ గౌరవించాలి. పెద్దల పట్ల గౌరవం వహించాలి. ప్రతి ఒక్కరికీ వీలైనంత వరకు సహాయం చేయాలి.

శని దుష్ప్రభావాల నుంచి ఉపశమనం పొందటం కోసం శనివారం రావి చెట్టుకు నీరు సమర్పించాలి. చెట్టు కింద ఆవ నూనెతో దీపం వెలిగించాలి. శమీ మొక్కను పూజించాలి. ఇలా చేయడం వల్ల శని చెడు ఫలితాల నుంచి ఉపశమనం కలుగుతుంది.